തിരുവനന്തപുരം : കേരള കൈത്തൊഴിലാളി -വിദഗ്ദ്ധതൊഴിലാളി (ഐ.എൻ.ടി.യു.സി ) യൂണിയൻ പത്തനംതിട്ട ജില്ലാ പ്രസിഡന്റ് ആയി നഹാസ് പത്തനംതിട്ടയെ തെരഞ്ഞെടുത്തു. പ്രതിപക്ഷ നേതാവ് രമേശ്‌ ചെന്നിത്തലയുടെ വിശ്വസ്തരില്‍ ഒരാള്‍കൂടിയാണ് നഹാസ്.
മികച്ച സംഘാടകനായ നഹാസ് കെ.എസ്.യുവിലൂടെയാണ് രാഷ്ട്രീയ ജീവിതം ആരംഭിച്ചത്. യൂത്ത് കോൺഗ്രസ്സ് ബൂത്ത് പ്രസിഡന്റ് , യൂത്ത് കോൺഗ്രസ്സ് അസംബ്ലി സെക്രട്ടറി, കോൺഗ്രസ്സ് പത്തനംതിട്ട ബ്ലോക്ക് ജനറൽ സെക്രട്ടറി, സേവാദൾ ജില്ലാ ചീഫ് കോർഡിനേറ്റർ, ഐ.എൻ.റ്റി.യു.സി യുവജനവിഭാഗം ജില്ലാ പ്രസിഡന്റ് , ഇന്ത്യൻ നാഷണൽ ആർട്ടിസ്റ്റ് യൂണിയൻ ജില്ലാ പ്രസിഡന്റ് , യൂത്ത് കോൺഗ്രസ്സ് സംസ്ഥാന കോർഡിനേറ്റർ, എന്നീ നിലകളിലും പ്രവർത്തിച്ചിട്ടുണ്ട്.
കോൺഗ്രസ്സ് പത്തനംതിട്ട ബ്ലോക്ക് വൈസ് പ്രസിഡന്റ്, ജവഹർ ബാലമഞ്ച് ജില്ലാ വൈസ് ചെയർമാൻ, രാജീവ് യൂത്ത് ഫൗണ്ടേഷൻ ജില്ലാ ചെയർമാൻ, ദേശീയ അസംഘടിത തൊഴിലാളി കോൺഗ്രസ്സ് സംസ്ഥാന സെക്രട്ടറി(AIUWC) എന്നീ ഭാരവാഹിത്വങ്ങളും നഹാസ് വഹിക്കുന്നുണ്ട്.
