കണ്ണൂര്: കണ്ണൂരില് ദേശീയ പതാകയോട് അനാദരവ്. ദേശീയ പതാക പ്ലാസ്റ്റിക് പൈപ്പില് കെട്ടി നിലത്ത് കുത്തിയ നിലയില് ഓടയ്ക്ക് സമീപമാണ് കണ്ടെത്തിയത്. കണ്ണൂര് കളക്ടറേറ്റിന് മുന്നിലെ റോഡരികിലാണ് സംഭവം.
ചെളിപുരണ്ട നിലയിലായിരുന്നു പതാക. വിവരം അറിഞ്ഞെത്തിയ ടൗണ് പോലീസ് പതാക സ്ഥലത്ത് നിന്നും നീക്കം ചെയ്തു. സംഭവത്തില് അന്വേഷണം ആരംഭിച്ചിട്ടുണ്ടെന്ന് പോലീസ് അറിയിച്ചു. പ്രതിഷേധത്തിന്റെ ഭാഗമായി പതാകയോട് അനാദരവ് കാണിച്ച് കളക്ടറേറ്റിന് മുന്നില് കുത്തിയതെന്നാണ് പോലീസ് സംശയിക്കുന്നത്. പരിസരത്തെ ഹോട്ടലുകളിലെ സിസിടിവി ദൃശ്യങ്ങള് അടക്കം പരിശോധിക്കും. സംഭവത്തെ വളരെ ഗൗരവകരമായാണ് എടുത്തിരിക്കുന്നതെന്നും പോലീസ് പറഞ്ഞു.
കലക്ട്രേറ്റ് വളപ്പില് സ്ഥിതി ചെയ്യുന്ന സര്ക്കാര് ഓഫീസുകളുടെ വരാന്തയിലോ മറ്റോ അലക്ഷ്യമായി വെച്ച പതാക നഗരത്തിലെ ആക്രി ശേഖരിക്കുന്നവരില് ആര്ക്കോ ലഭിക്കുകയും അയാള് പതാക പൈപ്പില് കുത്തി കലക്ട്രേറ്റ് പരിസരത്ത് തന്നെ സ്ഥാപിക്കുകയായിരുന്നുവെന്നാണ് പോലീസിന്റെ പ്രാഥമിക നിഗമനമെന്നറിയുന്നു.