പുതുതായി 400 തസ്തികകള്‍ കൂടി ; ദേശീയ ഗെയിംസ് ജേതാക്കൾക്ക് ജോലി നൽകും

തിരുവനന്തപുരം : ദേശീയ ഗെയിംസ് മെഡൽ ജേതാക്കൾക്ക് ജോലി നൽകാൻ മന്ത്രിസഭായോഗം തീരുമാനിച്ചു. 2015ലെ ദേശീയ ഗെയിംസിൽ വെള്ളി, വെങ്കല മെഡലുകൾ നേടിയ കായിക താരങ്ങൾക്കാണ് ജോലി ലഭിക്കുന്നത്. ഇന്നത്തെ മന്ത്രിസഭായോഗത്തിൽ അനുകൂല തീരുമാനമുണ്ടാകുമെന്ന് കായികമന്ത്രിയുടെ ഓഫിസ് അറിയിച്ചതിനെത്തുടർന്ന് താരങ്ങൾ സെക്രട്ടേറിയറ്റിനുമുന്നിലുള്ള സമരം  അവസാനിപ്പിച്ചിരുന്നു. നാനൂറോളം പുതിയ തസ്തിക സൃഷ്ടിക്കാനും സർക്കാർ തീരുമാനിച്ചു. പോലീസിൽ പുതിയ ബറ്റാലിയൻ രൂപീകരിക്കും. 35 വർഷത്തിനുശേഷമാണ് കെഎപി 6 എന്ന പേരിൽ ബറ്റാലിയൻ രൂപീകരിക്കുന്നത്.