റാന്നി: കേന്ദ്രസർക്കാരിന്റെ തൊഴിലാളി വിരുദ്ധ നയങ്ങൾക്കെതിരെ സംയുക്ത ട്രേഡ് യൂണിയന്റെ നേതൃത്വത്തിൽ നടത്തിയ പണിമുടക്ക് റാന്നിയില് പൂര്ണ്ണമായിരുന്നു. തൊഴിലാളി വിരുദ്ധ ലേബർ കോഡുകൾ പിൻവലിക്കുക, മഹാത്മാഗാന്ധി തൊഴിലുറപ്പ് പദ്ധതി പുനഃസ്ഥാപിക്കുക, തൊഴിലാളി ദ്രോഹ നടപടികൾ അവസാനിപ്പിക്കുക,
പൊതുമേഖലാ ഓഹരി വിൽപ്പനയും ആസ്തി വിൽപ്പനയും അവസാനിപ്പിക്കുക, പുതിയ ലേബര് കോഡുകള് പിന്വലിക്കുക തുടങ്ങിയ വിവിധ ആവശ്യങ്ങള് ഉന്നയിച്ചായിരുന്നു പണിമുടക്ക് സമരം.
റാന്നിയില് സംയുക്ത ട്രേഡ് യൂണിയന്റെ നേതൃത്വത്തിൽ പ്രകടനവും യോഗവും നടത്തി.
സി.ഐ.ടി.യു ജില്ലാ പ്രസിഡന്റ് എസ്.ഹരിദാസ് പ്രതിഷേധയോഗം ഉദ്ഘാടനം ചെയ്തു. സി.ഐ.ടി.യു ഏരിയ സെക്രട്ടറി കെ.കെ സുരേന്ദ്രന് അധ്യക്ഷത വഹിച്ചു. സി.ഐ.ടി.യു ദേശീയ കമ്മറ്റിയംഗം പി.ആര് പ്രസാദ്, എ.ഐ.ടി.യു.സി മണ്ഡലം സെക്രട്ടറി എം.വി പ്രസന്നകുമാര്, എല്.ഡി.എഫ് നിയോജകമണ്ഡലം കണ്വീനര് ജോജോ കോവൂര്, സി.പി.എം ഏരിയ സെക്രട്ടറി കെ.പി സുഭാഷ് കുമാര്, കെ.ജി റോയി, വി.ടി ലാലച്ചന്, നിസാംകുട്ടി, ജോര്ജ് മാത്യു, ജിതിന്രാജ്, കെ.കെ മധു, മോനായി പുന്നൂസ്, ആര് സുരേഷ്, അജയന് എസ്.പണിക്കര്, സി.ടി കുര്യാക്കോസ്, വിപിന് പൊന്നപ്പന്, ബിച്ചു ഐക്കാട്ടുമണ്ണില് എന്നിവര് പ്രസംഗിച്ചു.
