ഇടുക്കി : കുമളി ചെക്ക് പോസ്റ്റില് അര കിലോ കഞ്ചാവുമായി ചങ്ങനാശ്ശേരി സ്വദേശി പിടിയില്. കുമളി അതിര്ത്തി ചെക്ക് പോസ്റ്റില് എക്സൈസ് നടത്തിയ പരിശോധനയ്ക്കിടെയാണ് അരക്കിലോ കഞ്ചാവുമായി 49 കാരനായ റെജിമോന് പിടിയിലായത്. പ്രതിയുടെ അടി വസ്ത്രത്തിനുളളില് ഒളിപ്പിച്ച നിലയിലായിരുന്നു കഞ്ചാവ്. തമിഴ്നാട് കമ്പത്ത് നിന്ന് ഏഴായിരം രൂപയ്ക്ക് കഞ്ചാവ് വാങ്ങിയതായി പ്രതി എക്സൈസിനു മൊഴി നല്കി. ചങ്ങനാശ്ശേരിയില് എത്തിച്ച് കഞ്ചാവ് ചെറു പൊതികളാക്കി വില്പന നടത്താനായിരുന്നു നീക്കം. പ്രതി മുന്പും കഞ്ചാവ് കേസുകളില് ഉള്പ്പെട്ടയാളാണെന്ന് ഉദ്യോഗസ്ഥര് പറഞ്ഞു. പ്രതിയെ വണ്ടിപ്പെരിയാര് എക്സൈസ് റേഞ്ച് ഓഫിസിന് കൈമാറി.
