കൊവിഡ്-19 മഹാമാരി മൂലമുള്ള നിരന്തരമായ ഭയത്തിനും പരിഭ്രാന്തിക്കും ഇടയിൽ നിങ്ങളുടെ ആരോഗ്യത്തെക്കുറിച്ച് ഒരു പരിശോധന നടത്തേണ്ടത് കൂടുതൽ പ്രാധാന്യമർഹിക്കുന്നു. നിലവിലെ സാഹചര്യത്തിൽ ശുചിത്വം നിലനിർത്തുന്നതിനും നിർദ്ദേശിച്ചിട്ടുള്ള എല്ലാ മെഡിക്കൽ ഉപദേശങ്ങളും പാലിക്കുന്നതിനുമൊപ്പം നിങ്ങളുടെ പ്രതിരോധശേഷി വർദ്ധിപ്പിക്കേണ്ടത് പ്രധാനമാണ്. പരീക്ഷിച്ചതും തെളിയിക്കപ്പെട്ടിട്ടുള്ളതും ആയ പ്രകൃതിദത്ത ആൻറിബയോട്ടിക്കുകൾ (ആന്റി ബാക്ടീരിയൽ) ഭക്ഷണങ്ങൾ നിങ്ങളെയും നിങ്ങളുടെ കുടുംബത്തെയും പരിരക്ഷിക്കാൻ സഹായിക്കുന്നു.
ഈ ഏഴ് ഭക്ഷ്യപദാർത്ഥങ്ങളും വീട്ടിൽ സൂക്ഷിക്കുകയും നിങ്ങളുടെ ദൈനംദിന ഭക്ഷണക്രമത്തിൽ ഉൾപ്പെടുത്തുകയും ചെയ്യുന്നത് ഈ ശ്രമകരമായ സമയങ്ങളിലൂടെ കടന്നുപോകാനും മൊത്തത്തിലുള്ള ആരോഗ്യകരമായ ശരീരം നിലനിർത്താനും നിങ്ങളെ സഹായിക്കും.
തേൻ : ആൻറി ബാക്ടീരിയൽ ഭക്ഷണമാണ് തേൻ. തേനിൽ പ്രധാന ഘടകം പെറോക്സൈഡ് ആണ്, ഇത് ആൻറി ബാക്ടീരിയൽ ഗുണങ്ങൾ നൽകുന്നു. മുറിവിൽ പ്രയോഗിക്കുമ്പോൾ മുറിവ് ഉണക്കുന്ന സ്വഭാവത്തിനും ഇത് പേരുകേട്ടതാണ്.
ഇഞ്ചി : ജലദോഷവും പനിയും ഭേദമാക്കാൻ ഇഞ്ചി സഹായിക്കും. ഇത് ഓക്കാനം, ഛർദ്ദി എന്നിവയ്ക്കെതിരെയും പോരാടുന്നു. ഇഞ്ചി ഒരു പ്രകൃതിദത്ത ആൻറിബയോട്ടിക്കാണ്. നിങ്ങളുടെ ചായയിലേക്കും സ്മൂത്തികളിലേക്കും ജ്യൂസുകളിലും ഇത് ചേർക്കാം അല്ലെങ്കിൽ കറികളിൽ ചെറിയ കഷണങ്ങളായി മുറിച്ച് ചേർക്കുകയും ചെയ്യാം.
ഗ്രാമ്പൂ : കാലങ്ങളായി ദന്ത പ്രശ്നങ്ങൾക്ക് ചികിത്സിക്കാൻ ഗ്രാമ്പൂ ഉപയോഗിക്കുന്നു. ഇ.കോളി, എസ്. ഓറിയസ് തുടങ്ങിയ ബാക്ടീരിയകളോട് പോരാടാനും ഇത് ഗുണകരമാണ്.
വെളുത്തുള്ളി : ഇത് സലാഡുകളിൽ ചേർക്കുന്നതു പോലെ പച്ചയ്ക്ക് കഴിക്കുന്നതാണ് നല്ലത്. ബാക്ടീരിയ, വൈറസ്, അണുബാധ എന്നിവയ്ക്കെതിരെ പോരാടുന്ന രോഗപ്രതിരോധ, രോഗശമന ഗുണങ്ങൾ ഇതിന് ഉണ്ട്.
കറുവപ്പട്ട : യീസ്റ്റ് അണുബാധയ്ക്കെതിരെ പോരാടുന്നതിന് കറുവപ്പട്ട ഗുണകരമാണെന്ന് അറിയപ്പെടുന്നു. കൂടാതെ നിങ്ങൾക്ക് ദിവസവും കറുവപ്പട്ട കഴിക്കുന്നതിന് അത് ചായയിൽ ചേർക്കുന്നതാണ് നല്ലത്. ഇത് രുചിയും ആരോഗ്യവും വർദ്ധിപ്പിക്കുവാൻ സഹായിക്കും.
വിറ്റാമിൻ സി : പ്രതിരോധശേഷി വർദ്ധിപ്പിക്കുന്നതിന് വിറ്റാമിൻ സി ഉത്തമമാണ്. വിറ്റാമിൻ സിയുടെ ആവശ്യകത നിറവേറ്റുന്നതിന് നിങ്ങൾക്ക് ഓറഞ്ച്, പൈനാപ്പിൾ തുടങ്ങിയ പഴങ്ങൾ ആഴ്ചയിൽ രണ്ടുതവണ കഴിക്കാം. ഈ പഴങ്ങളുടെ ജ്യൂസും നിങ്ങളുടെ ആരോഗ്യത്തിന് വളരെ നല്ലതാണ്.
പനിക്കൂര്ക്ക : ആൻറി ഓക്സിഡൻറും ആൻറി-ഇൻഫ്ലമേറ്ററി ഗുണങ്ങളും പനിക്കൂര്ക്കയിൽ നിറഞ്ഞിരിക്കുന്നു. നിങ്ങളുടെ സലാഡുകളിലും സൂപ്പുകളിലും ഇവ കുറച്ച് ചേർക്കുന്നതും ഓറിഗാനോ ഓയിൽ ദിവസേന ഭക്ഷണം പാകം ചെയ്യാൻ ഉപയോഗിക്കുവാനും കഴിയുന്നതാണ്.
