മുംബൈ : ആഡംബരക്കപ്പലിലെ ലഹരി പാര്ട്ടിയുമായി ബന്ധപ്പെട്ട് നടന് ഷാറൂഖ് ഖാന്റെയും നടി അനന്യ പാണ്ഡെയുടേയും വീട്ടില് റെയ്ഡ്. നാര്ക്കോട്ടിക്സ് കണ്ട്രോള് ബ്യൂറോ ഉദ്യോഗസ്ഥരാണ് പരിശോധന നടത്തുന്നത്. മുംബൈ ബാന്ദ്രയിലെ ഷാറൂഖിന്റെ വസതിയായ മന്നത്തിലാണ് പരിശോധന നടത്തിയത്.
കേസില് ഷാറൂഖിന്റെ മകന് ആര്യന് ഖാന് അറസ്റ്റിലായി ജയിലിലാണ്. യുവ നടി അനന്യ പാണ്ഡെയുടെ വീട്ടിലും എന്സിബി സംഘം പരിശോധന നടത്തി. പ്രമുഖ നടന് ചുങ്കി പാണ്ഡെയുടെ മകളാണ് അനന്യ. ഉച്ചയ്ക്ക് രണ്ടു മണിക്ക് ചോദ്യം ചെയ്യലിന് ഹാജരാകണമെന്ന് ആവശ്യപ്പെട്ട് അനന്യ പാണ്ഡെയ്ക്ക് എന്സിബി സമന്സ് നല്കിയിട്ടുണ്ട്.
