തിരുവനന്തപുരം: നാല് സീറ്റിലും തങ്ങള്‍ക്ക് മത്സരിക്കണമെന്ന് മുഖ്യമന്ത്രി പിണറായി വിജയനോട് എന്‍ സി പി. വിട്ടുവീഴ്ചയുടെ കാര്യം ഇതുവരെ ആരും ആവശ്യപ്പെട്ടിട്ടില്ലെന്നും, അതുകൊണ്ട് അതിനെപ്പറ്റി ആലോചിച്ചിട്ടില്ലെന്നും എന്‍ സി പി അദ്ധ്യക്ഷന്‍ ടി പി പീതാംബരന്‍ പറഞ്ഞു.
അതേസമയം പാല സീറ്റിന്റെ കാര്യത്തില്‍ മുഖ്യമന്ത്രി എന്‍ സി പിയ്ക്ക് ഉറപ്പു നല്‍കിയിട്ടില്ല. അക്കാര്യം പിന്നീട് ചര്‍ച്ച ചെയ്യാമെന്നാണ് അദ്ദേഹം പറഞ്ഞത്. എല്ലാവരുമായി ആലോചിച്ചശേഷം മാത്രമേ ഉറപ്പ് നല്‍കാന്‍ സാധിക്കുകയുള്ളൂവെന്നും മുഖ്യമന്ത്രി അറിയിച്ചു. ഇക്കാര്യത്തില്‍ ഉടന്‍ തന്നെ തീരുമാനമെടുക്കണമെന്ന് മുഖ്യമന്ത്രിയോട് എന്‍ സി പി ആവശ്യപ്പെട്ടിട്ടുണ്ട്.
