കൊച്ചി : ഒരു വർഷത്തെ പിണറായി സർക്കാരിന്റെ ഭരണം കൊണ്ട് സമസ്ത മേഖലയും തകർച്ചയിൽ എത്തിയ സാഹചര്യത്തിൽ സർക്കാരിന് അധികാരത്തിൽ തുടരാനുള്ള ഉള്ള ധാർമ്മികത നഷ്ടപ്പെട്ടന്ന് കുരുവിള മാത്യൂ അഭിപ്രായപെട്ടു. എൻ ഡി എ എറണാകുളത്ത് ജില്ല കളക്ടറേറ്റിലേയ്ക്ക് നടത്തിയ പ്രതിഷേധ മാർച്ചിൽ മുഖ്യപ്രഭാഷണം നടത്തുകയായിരുന്നു നാഷണലിസ്റ്റ് കേരള കോൺഗ്രസ്സ് ചെയർമാൻ കുരുവിള മാത്യൂസ്.
കേന്ദ്ര സർക്കാറിന്റെ പിരിച്ചുവിടൽ യോഗ്യതയിൽ എ പ്ലസ്സ് നേടിയ സർക്കാരാണ് ഈ സർക്കാരെന്ന് അദ്ദേഹം തുടർന്ന് പറഞ്ഞു. ബി.ജെ.പി. ജില്ല പ്രസിഡന്റ് എസ്.ജയകൃഷ്ണൻ ഉദ്ഘാടനം ചെയ്ത മാർച്ചിൽ ബി.ജെ.പി. മേഖലാ സെക്രട്ടറി എം.പി.ശങ്കരൻ കുട്ടി, ഘടക കഷി നേതാക്കളായ എ.ബി. ജയപ്രകാശ്, എം.എൻ. ഗിരി ജോയി എളക്കര . ബി.ജെ.പി ജില്ല ജനറൽ സെക്രട്ടറി കെ.എസ് ഷൈജു എന്നിവർ സംസാരിച്ചു. തൃക്കാക്കര മുനിസിപ്പൽ ആഫീസ് പരിസരത്ത് നിന്ന് ആരംഭിച്ച മാർച്ച് ജില്ല കളക്ടേറ്റിനടുത്ത് വെച്ച് പോലീസ് തടഞ്ഞു.
