നെടുങ്കണ്ടം : ഭര്ത്താവിന്റെ വീട്ടില് വളരെ സംശയാസ്പദമായ സാഹചര്യത്തില് യുവതി തൂങ്ങിമരിച്ച നിലയില്. നെടുങ്കണ്ടത്തെ ജയില് വാര്ഡന് കവുന്തി മണികെട്ടാന് പൊയ്കയില് അര്ജുനന്റെ ഭാര്യയെയാണ് തൂങ്ങി മരിച്ച നിലയില് കണ്ടെത്തിയത്.
24 കാരിയായ ദേവികയെ വീട്ടിലെ ശുചിമുറിയില് തുങ്ങിമരിച്ച നിലയില് കണ്ടെത്തിയെന്നാണ് അര്ജ്ജുന് പോലീസിന് നല്കിയ മൊഴി. രാത്രി ശുചിമുറിയില് പോയ ദേവികയെ കാണാതായപ്പോള് നടത്തിയ തിരച്ചിലില് ശുചിമുറിയില് തുങ്ങിമരിച്ച നിലയില് കണ്ടെത്തുകയായിരുന്നുവെന്നാണ് അര്ജ്ജുന് പറയുന്നത്. എന്നാല് പോലീസെത്തി നടത്തിയ പരിശോധനയിലാണ് ആത്മഹത്യക്കപ്പുറത്തേക്കുള്ള ദൂരൂഹത സംഭവത്തിനുണ്ടെന്ന് ബോധ്യപ്പെട്ടത്.
മുറിക്കുള്ളില് തകര്ന്ന നിലയില് കസേരകളും ശുചിമുറിയിലും അടുത്തുള്ള മുറിയിലും രക്തക്കറയും കണ്ടെത്തിയിട്ടുണ്ട്. ഇതിനെ തുടര്ന്ന് മരണത്തില് ദുരൂഹതയുള്ളതായി ദേവികയുടെ ബന്ധുക്കളും ആരോപിച്ചു. കട്ടപ്പന ഡിവൈഎസ്പി നിഷാദ്, നെടുങ്കണ്ടം സിഐ ബി.എസ് ബിനു എന്നിവരുടെ നേതൃത്വത്തില് പോലീസ് അന്വേഷണം ആരംഭിച്ചിട്ടുണ്ട്.
