ന്യൂഡല്ഹി: അഖിലേന്ത്യ മെഡിക്കല് പ്രവേശന പരീക്ഷയായ നീറ്റ് 2021 സെപ്റ്റംബര് 12ന് നടക്കും. ഉച്ച രണ്ടുമുതല് അഞ്ചുവരെയാണ് പരീക്ഷ സമയം. നാഷനല് ടെസ്റ്റിങ് ഏജന്സിക്കാണ് പരീക്ഷ നടത്തിപ്പ് ചുമതല. ഏകദേശം 16 ലക്ഷം വിദ്യാര്ഥികള് ഈ വര്ഷത്തെ നീറ്റ് എഴുതാന് രജിസ്റ്റര് ചെയ്തിട്ടുണ്ട്.
വിദ്യാര്ഥികള്ക്ക് ഔദ്യോഗിക വെബ്സൈറ്റായ neet.nta.nic.inലൂെട ചൊവ്വാഴ്ച മുതല് അഡ്മിറ്റ് കാര്ഡ് ഡൗണ്ലോഡ് ചെയ്യാം. കോവിഡ് പശ്ചാത്തലത്തില് കര്ശന സുരക്ഷ മാനദണ്ഡങ്ങളോടെയാണ് പരീക്ഷ നടത്തിപ്പ്. വിദ്യാര്ഥികള്ക്കായി എന്.ടി.എ വസ്ത്രധാരണം ഉള്പ്പെടെ മാര്ഗനിര്ദേശങ്ങള് പുറപ്പെടുവിച്ചിട്ടുണ്ട്. ഇവ പാലിച്ചുവേണം വിദ്യാര്ഥികള് പരീക്ഷയ്ക്ക് എത്തേണ്ടത് .
ഡ്രസ് കോഡ് നീറ്റ് 2021 ; മാര്ഗനിര്ദേശങ്ങള്
1. ലളിതമായ വസ്ത്രങ്ങളാകണം ധരിക്കേണ്ടത്. ഫുള് സ്ലീവ് വസ്ത്രങ്ങളാകാന് പാടില്ല. സാംസ്കാരിക/പ്രത്യേക രീതിയിലുള്ളതോ ആയ വസ്ത്രധാരണം തുടര്ന്നുപോരുന്നവരാണെങ്കില് അവസാന റിപ്പോര്ട്ടിങ് സമയത്തിന് ഒരുമണിക്കൂര് മുമ്പ് അതായത് ഉച്ച 12.30ക്ക് മുമ്പ് റിപ്പോര്ട്ട് ചെയ്യണം.
2. ഷൂ ധരിക്കാന് അനുവദിക്കില്ല
3. ഒഴിവാക്കാന് കഴിയാത്തവ എന്തെങ്കിലുമുണ്ടെങ്കില് (മെഡിക്കല്) അഡ്മിറ്റ് കാര്ഡ് വിതരണം ആരംഭിക്കുന്നതിന് മുമ്പ് എന്.ടി.എയുടെ അനുമതി തേടണം.
ഉപയോഗിക്കാന് പാടില്ലാത്തവ
1. എഴുതിയതും പ്രിന്റഡ് ആയതുമായ പേപ്പറുകള് ഉപയോഗിക്കരുത് . ജോ മെട്രി/പെന്സില് ബോക്സ്, പ്ലാസ്റ്റിക് പൗച്ച്, സ്കെയില്, കാല്ക്കുലേറ്റര്, പേന, റൈറ്റിങ് പാഡ്, പെന് ഡ്രൈവ്, ഇറേസര് തുടങ്ങിയവ പരീക്ഷകേന്ദ്രങ്ങളില് അനുവദിക്കില്ല
2. വാലറ്റ്, ബെല്റ്റ്, തൊപ്പി, ഗോഗ്ള്സ്, ഹാന്ബാഗുകള്, തുടങ്ങിയവ അനുവദിക്കില്ല
3. മൊബൈല് ഫോണ്, ബ്ലൂടൂത്ത്, മൈക്രോഫോണ്, പേജര്, ഇയര്ഫോണ്, ഹെല്ത്ത് ബാന്ഡ് തുടങ്ങിയവ പരീക്ഷകേന്ദ്രത്തില് അനുവദിക്കില്ല
4. വാച്ച്/റിസ്റ്റ് വാച്ച്, ബ്രെസ്ലറ്റ്, കാമറ തുടങ്ങിയവ
5. ആഭരണങ്ങള്, ലോഹവസ്തുക്കള് തുടങ്ങിയവ
6. ഭക്ഷണം, വെള്ളകുപ്പി തുടങ്ങിയവ
7. മൈക്രോചിപ്പ്, കാമറ, ബ്ലൂടൂത്ത് ഉപകരണങ്ങള് തുടങ്ങി ആശയവിനിമയത്തിന് ഉപയോഗിക്കുന്ന എല്ലാ ഉപകരണങ്ങളും അനുവദനീയമല്ല .
കോവിഡ് പ്രതിരോധത്തിന്റെ ഭാഗമായി വിദ്യാര്ഥികള് നിര്ബന്ധമായും കോവിഡ് മാനദണ്ഡങ്ങള് പാലിക്കണം. വായും മൂക്കും മൂടുന്ന തരത്തില് മാസ്ക് നിര്ബന്ധമായും ധരിച്ചിരിക്കണം. 50 മില്ലിയുടെ ഹാന്ഡ് സാനിറ്റൈസന് കുപ്പി കൈയില് കരുത്തേണ്ടതാണ് .