ന്യൂഡല്ഹി : നാഷണല് എലിജിബിലിറ്റി കം എന്ട്രന്സ് ടെസ്റ്റ്, ബിരുദാനന്തര ബിരുദം – നീറ്റ് പിജി 2021 ഫലങ്ങള് പ്രഖ്യാപിച്ചു. പരീക്ഷ എഴുതിയ എല്ലാ ഉദ്യോഗാര്ത്ഥികളുടെയും ഫലങ്ങള് ദേശീയ പരീക്ഷാ ബോര്ഡ് പ്രസിദ്ധീകരിച്ചു. ഉദ്യോഗാര്ത്ഥികള്ക്ക് ഫലം പരിശോധിക്കാനുള്ള ലിങ്ക് ഉടന് ലഭ്യമാകും.
കോവിഡ് മഹാമാരിയില് ഏറെ വിവാദങ്ങള്ക്കും ചര്ച്ചകള്ക്കുമൊടുവിലാണ് നീറ്റ് പിജി 2021 പരീക്ഷ സെപ്റ്റംബര് 11 ന് രാജ്യത്തൊട്ടാകെയുള്ള 260 നഗരങ്ങളിലും 800 ടെസ്റ്റ് സെന്ററുകളിലും നടന്നത്. എന്ബിഇ ട്വിറ്ററിലൂടെയാണ് ഫല പ്രഖ്യാപനം നടത്തിയത്. ഫലമറിയാന് ലിങ്ക് ഔദ്യോഗിക വെബ്സൈറ്റില് ഉടന് ലഭ്യമാകുമെന്നും എന്ബിഇ ട്വീറ്റ് ചെയ്തു. എല്ലാ വിഭാഗങ്ങള്ക്കുമുള്ള യോഗ്യതാ കട്ട് ഓഫ് പരിശോധിക്കുവാനും എങ്ങനെ ഫലം പരിശോധിക്കാമെന്നും nbe.edu.in. വെബ്സൈറ്റ് സന്ദര്ശിക്കുക.
