കോന്നി : യുവജനങ്ങളെ കേരളത്തിൽ നിർത്തുന്നതിന് പര്യാപ്തമായ വിദ്യാഭ്യാസ സമ്പ്രദായവും തൊഴിലവസരങ്ങളും സൃഷ്ടിക്കുക എന്നത് യുഡിഎഫിന്റെ ആത്യന്തിക ലക്ഷ്യമാണെന്ന് യുഡിഎഫ് സംസ്ഥാന കൺവീനർ അഡ്വ.അടൂർ പ്രകാശ് എം.പി പറഞ്ഞു. 27ന് വൈകിട്ട് 4 മണിക്ക് കോന്നിയിൽ എത്തിച്ചേരുന്ന പ്രതിപക്ഷ നേതാവ് നയിക്കുന്ന പുതുയുഗ യാത്രയുടെ സ്വാഗതസംഘം ഓഫീസ് ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. യുഡിഎഫ് നിയോജകമണ്ഡലം ചെയർമാൻ ഏബ്രഹാം വാഴയിൽ അധ്യക്ഷത വഹിച്ചു.
ഡിസിസി പ്രസിഡന്റ് സതീഷ് കൊച്ചുപറമ്പിൽ, കെപിസിസി ജനറൽ സെക്രട്ടറി കറ്റാനം ഷാജി, യുഡിഎഫ് ജില്ലാ കൺവീനർ എ ഷംസുദ്ദീൻ, മാത്യു കുളത്തുങ്കൽ, റോബിൻ പീറ്റർ, ദീനാമ്മ റോയ്, വെട്ടൂർ ജ്യോതി പ്രസാദ്, സാമുവേൽ കിഴക്കുപുറം, പ്രവീൺ പ്ലാവിളയിൽ, സന്തോഷ് കുമാർ എസ്, ബാബു ചാക്കോ, അബ്ദുൽ മുത്തലിബ്, എബ്രഹാം ചെങ്ങറ, ചിറ്റൂർ ശങ്കർ, എലിസബത്ത് അബു, എസ് വി പ്രസന്നകുമാർ, റജി പൂവത്തൂർ, മാത്യു ചെറിയാൻ, അജോമോൻ, ബിനി ലാൽ, റോജി ഏബ്രഹാം, ശാന്തിജൻ ചൂരക്കുന്നേൽ, തോമസ് കാലായിൽ, ശ്രീകുമാർ, സൗദാ റഹീം, അജോമോൻ വി റ്റി, തുടങ്ങിയവർ പ്രസംഗിച്ചു.
