ദില്ലി : രാജ്യത്ത് കഴിഞ്ഞ 24 മണിക്കൂറിനിടയില് 11,850 പേര്ക്ക് കൊവിഡ് സ്ഥിരീകരിച്ചു. 555 മരണം റിപ്പോര്ട്ട് ചെയ്തതോടെ ആകെ കൊവിഡ് ബാധിച്ച് മരിച്ചവരുടെ എണ്ണം 4,63,245 ആയി. 3,44,26,036 പേര്ക്കാണ് ഇന്ത്യയില് ഇതുവരെ കൊവിഡ് വൈറസ് ബാധിച്ചതെന്ന് കേന്ദ്ര ആരോഗ്യ മന്ത്രാലയം അറിയിച്ചു. 1,36,308, പേരാണ് നിലവില് വിവിധ സംസ്ഥാനങ്ങളിലായി ചികിത്സയില് കഴിയുന്നത്. ഇത് ആകെ രോഗികളില് 0.40 ശതമാനമാണ്. കഴിഞ്ഞ 274 ദിവസത്തെ ഏറ്റവും കുറഞ്ഞ നിരക്കാണിത്. 3.38 കോടി ആളുകള് കൊവിഡില് നിന്നും രോഗമുക്തി നേടി.
മൂന്നാഴ്ചത്തെ ഇടവേളയ്ക്ക് ശേഷം രാജ്യതലസ്ഥാനത്ത് രണ്ട് കൊവിഡ് മരണം റിപ്പോര്ട്ട് ചെയ്തു. മഹാരാഷ്ട്രയില് കഴിഞ്ഞ ദിവസം 925 പേര്ക്ക് വൈറസ് ബാധ സ്ഥിരീകരിച്ചു. 41 പേര് മരിച്ചു. രാജ്യത്ത് കൊവിഡ് വാക്സിനേഷന് 111 കോടി പിന്നിട്ടു. 24 മണിക്കൂറിനിടയില് 15.22 ലക്ഷം പേര്ക്ക് ഒന്നാം ഡോസ് വാക്സിനും 37.77 ലക്ഷം പേര്ക്ക് രണ്ടാം ഡോസ് വാക്സിനും നല്കിയതായി ആരോഗ്യ മന്ത്രാലയം അറിയിച്ചു.
