തീയേറ്ററുകളിൽ ‘ജോർജുകുട്ടി’ തരംഗം. റിലീസിന്റെ മൂന്നാം ദിനത്തിൽ ടിക്കറ്റ് വിൽപനയിൽ റെക്കോർഡ് നേട്ടമാണ് ദൃശ്യം 3 സ്വന്തമാക്കിയിരിക്കുന്നത്. പ്രമുഖ ടിക്കറ്റ് ബുക്കിംഗ് പ്ലാറ്റ്ഫോമായ ബുക്ക് മൈ ഷോയിൽ മൂന്നാം ദിനം മാത്രം 3.62 ലക്ഷം ടിക്കറ്റുകളാണ് വിറ്റഴിഞ്ഞത്. ഇതോടെ മലയാള സിനിമയിൽ ഒരു ദിവസം ഏറ്റവും കൂടുതൽ ടിക്കറ്റുകൾ വിൽക്കപ്പെടുന്ന ചിത്രം എന്ന റെക്കോർഡ് ദൃശ്യം 3-ക്ക് സ്വന്തമായി. ടിക്കറ്റ് വിൽപനയിലെ ഈ കുതിപ്പോടെ ‘എമ്പുരാൻ’, ‘തുടരും’ എന്നീ ബിഗ് ബജറ്റ് ചിത്രങ്ങളുടെ റെക്കോർഡുകൾ ദൃശ്യം 3 പഴങ്കഥയാക്കി. റിലീസ് ചെയ്ത് വെറും 58 മണിക്കൂറിനുള്ളിൽ ചിത്രം ആഗോള ബോക്സ് ഓഫീസിൽ നിന്ന് 100 കോടി രൂപ സമാഹരിച്ചു.
മലയാളത്തിൽ ഏറ്റവും വേഗത്തിൽ 100 കോടി കടക്കുന്ന രണ്ടാമത്തെ ചിത്രമാണിത്. ആദ്യ സ്ഥാനത്ത് രണ്ട് ദിവസം കൊണ്ട് ഈ നേട്ടം കൈവരിച്ച ‘എമ്പുരാൻ’ ആണ്. ആദ്യ ഞായറാഴ്ചയായ ഇന്ന് ലോകമെമ്പാടും വൻ ബുക്കിംഗും മികച്ച ഒക്കുപ്പൻസിയുമാണ് ചിത്രത്തിന് ലഭിക്കുന്നത്. ആശിർവാദ് സിനിമാസ് 11 ദിവസങ്ങൾക്ക് മുൻപേ അഡ്വാൻസ് ബുക്കിംഗ് തുടങ്ങിയിരുന്നു. മോഹൻലാലിന്റെ പിറന്നാൾ സമ്മാനമായി എത്തിയ ഈ ചിത്രം ദൃശ്യം ഫ്രാഞ്ചൈസിയുടെ ആഗോള സ്വീകാര്യത ഒരിക്കൽ കൂടി തെളിയിച്ചിരിക്കുകയാണ്
