റാന്നി : റബ്ബർ ബോർഡിനെ നോക്കുകുത്തിയാക്കുന്ന പുതിയ റബ്ബർ ആക്ട് പിൻവലിക്കണമെന്ന് ചെറുകിട റബ്ബർ കർഷക ഫെഡറേഷൻ പത്തനംതിട്ട ജില്ലാക്കമ്മിറ്റി ആവശ്യപ്പെട്ടു. പുതിയ ആക്ട് വരുന്നതോടെ റബ്ബർ ഇറക്കുമതി ശുപാർശ ചെയ്യുന്നതിനും ഗുണനിലവാരം നിശ്ചയിക്കുന്നതിനും ബോർഡിനുള്ള അധികാരം നഷ്ടമാകും. റബ്ബർ വില നിശ്ചയിക്കുന്നത് കുത്തക കമ്പനികളുടെ താത്പര്യത്തിനാവും. ഇപ്പോൾ റബ്ബർ കൃഷി ആദായകരമല്ലാത്ത സ്ഥിതിയിൽ പുതിയ ആക്ട് കർഷകരെ ദുരിതക്കയത്തിലാക്കുമെന്നും യോഗം ചൂണ്ടിക്കാട്ടി. പത്തനംതിട്ട ജില്ലാ പ്രസിഡൻ്റ് ജോർജ് ജോസഫ് അറയ്ക്കമണ്ണിൽ, പി.ജെ.തോമസ്, എം.ജി.രാധാകൃഷണൻ നായർ, സിബി മാത്യു, കെ.കെ സഖറിയ എന്നിവർ പ്രസംഗിച്ചു.
