തിരുവനന്തപുരം: എൻ.എസ്.എസ്. ജനറൽ സെക്രട്ടറി ജി. സുകുമാരൻ നായരെ പ്രശംസിച്ച് സ്പീക്കർ തിരുവഞ്ചൂർ രാധാകൃഷ്ണൻ രംഗത്ത്. സമൂഹത്തിൽ മതേതരത്വവും ഐക്യവും കാത്തുസൂക്ഷിക്കുന്നതിൽ നിർണായക പങ്കുവഹിച്ച വ്യക്തിയാണ് അദ്ദേഹമെന്ന് തിരുവഞ്ചൂർ ഫേസ്ബുക്കിലൂടെ വ്യക്തമാക്കി. തൻ്റെ ഔദ്യോഗിക പദവി സ്വന്തം നേട്ടങ്ങൾക്കോ ലാഭത്തിനോ വേണ്ടി അദ്ദേഹം ഒരിക്കലും ദുരുപയോഗം ചെയ്തിട്ടില്ലെന്നും എപ്പോഴും സമുദായത്തിൻ്റെ ഉന്നത താൽപര്യങ്ങൾ മാത്രമാണ് മുൻനിർത്തിയിട്ടുള്ളതെന്നും കുറിപ്പിൽ പറയുന്നു.
സുകുമാരൻ നായരുടെ കാലത്ത് എൻഎസ്എസിന്റെ ആസ്തി വകകൾ പലമടങ്ങ് വർദ്ധിച്ചിട്ടുണ്ട്. എൻഎസ്എസ് സ്ഥാപനങ്ങൾക്ക് മേന്മ സുകുമാരൻ നായരുടെ കാലത്ത് ഛിദ്രശക്തികളെ എൻഎസ്എസിൽ നിന്നും അദ്ദേഹം അകറ്റിനിർത്തിയിട്ടുണ്ടെന്നും തിരുവഞ്ചൂർ ഫേസ്ബുക്കിൽ കുറിച്ചു. സമീപ കാലത്ത് മുൻമന്ത്രി ഗണേഷ് കുമാറും എൻഎസ്എസ് ജനറൽ സെക്രട്ടറി ജി. സുകുമാരൻ നായരും തമ്മിൽ വാക്പോരുണ്ടായിരുന്നു. ഈ പശ്ചാത്തലത്തിലാണ് തിരുവഞ്ചൂരിന്റെ കുറിപ്പെന്നതും ശ്രദ്ധേയം.
