കൊച്ചി: എംഎൽഎ മുഹമ്മദ് ഷിയാസ് സംഘടിപ്പിച്ച പരിപാടിയിൽ നടൻ ജോജു ജോർജ് മുഖ്യാതിഥിയായി പങ്കെടുത്തു. കൊച്ചി നിയമസഭാ മണ്ഡലത്തിൽ എസ്.എസ്.എൽ.സി., പ്ലസ് ടു പരീക്ഷകളിൽ ഉന്നതവിജയം നേടിയ വിദ്യാർഥികളെ ആദരിക്കുന്നതിനായി സംഘടിപ്പിച്ച എക്സലൻസ് അവാർഡ് വിതരണ ചടങ്ങിലാണ് ജോജു പങ്കെടുത്തത്. എൽഡിഎഫ് ഭരിക്കുമ്പോൾ കോൺഗ്രസ് നടത്തിയ ഒരു സമരത്തിന് പിന്നാലെ നടനുമായി ഉണ്ടായ വാക്കുതർക്കവും ഷിയാസ് ചടങ്ങിൽ ഓർത്തെടുത്തു.
‘പരിപാടിക്ക് വരാമെന്ന് കഴിഞ്ഞ ദിവസമാണ് ജോജു എന്നോട് പറഞ്ഞത്. സിനിമാ ഷൂട്ടിങ്ങിലായിരുന്നു ജോജു. ഞാനും ജോജുവും തമ്മിൽ ഒരു കടം ഉണ്ടായിരുന്നു. സമരത്തിനിടയിൽ ബഹളമൊക്കെ ഉണ്ടാക്കി. പൗരൻ എന്ന നിലയിൽ ജോജു അദ്ദേഹത്തിന്റേതായ അഭിപ്രായം പങ്കുവെച്ചു. അത് ഉൾക്കൊള്ളുകയും ചെയ്തു. ജോജു നല്ല കലാകാരനാണ്, ഏറ്റവും സാധാരണക്കാരനാണ്. സാധാരണ കുടുംബത്തിൽനിന്ന് വന്ന് ഏറ്റവും മികച്ച കലാകാരനായി, കേരളം ഇഷ്ടപ്പെടുന്ന നടനായി മാറി. അവാർഡുകൾ നേടിയ നടനാണ്. ജോജു പരിപാടിയിൽ പങ്കെടുത്തതിൽ വലിയ സന്തോഷം’, ഷിയാസിന്റെ കൂട്ടിച്ചേർത്തു.
