കണ്ണൂര്: തെരുവ് നായയുടെ കടിയേറ്റ് മരണപ്പെട്ട 11 വയസ്സുകാരന് നിഹാലിന്റെ പോസ്റ്റ്മോര്ട്ടം റിപ്പോര്ട്ട് പുറത്ത്. അരയ്ക്ക് താഴെ ഗുരുതര പരിക്കേറ്റ് ബോധരഹിതനായ നിലയിലാണ് നാട്ടുകാര് നിഹാലിനെ കണ്ടെത്തിയത്. കണ്ണിനു താഴെയും കഴുത്തിനു പുറകിലും അരക്കുതാഴെയുമായി ആഴത്തിലുള്ള മുറിവുകള് ഉണ്ട്. ഇടതുകാലിലെ തുടയിലെ മാസം മുഴുവനായും കടിച്ചെടുത്ത നിലയില് ആണുള്ളത്. നിഹാലിന്റെ തല മുതല് പാദം വരെ നായ്ക്കള് കടിച്ചുകീറി.
ഭിന്നശേഷിക്കാരനായ നിഹാല് വീടിന്റെ ഗെയിറ്റിന് പുറത്ത് ഇറങ്ങിയപ്പോഴാണ് തെരുവ് നായകള് കൂട്ടമായി ആക്രമിച്ചത്. വീടിന്റെ 300 മീറ്റര് അകലെ ഗുരുതരമായ പരിക്കുകളോടെ കുട്ടിയെ കണ്ടെത്തുകയായിരുന്നു. ആശുപത്രിയില് എത്തുമ്പോഴേക്കും മരിച്ചു. വീടിനടുത്തുള്ള കളിസ്ഥലത്തേക്ക് എത്തിയതായിരുന്നു നിഹാല്. ഇതിനിടെയാണ് തെരുവുനായ ആക്രമണമുണ്ടായത്.
