പാലക്കാട് : ഒറ്റപ്പാലത്ത് കാർ നിയന്ത്രണം തെറ്റി വൈദ്യുതപോസ്റ്റിൽ ഇടിച്ച് ഒമ്പതുകാരിക്ക് ദാരുണാന്ത്യം. ശ്യാം-ചിത്ര ദമ്പതികളുടെ മകൾ പ്രജോഭിത(9) ആണ് മരിച്ചത്. പട്ടാമ്പി സ്വദേശികള് സഞ്ചരിച്ചിരുന്ന കാര് ആണ് അപകടത്തില്പ്പെട്ടത്. കാറിലുണ്ടായിരുന്ന മറ്റു ഏഴ് പേർക്ക് പരിക്കേറ്റു. പരിക്കേറ്റവരില് മൂന്നുപേരുടെ നില ഗുരുതരമാണ്. ഇന്ന് പുലർച്ചെ 12:20 ഓടെയായിരുന്നു അപകടം നടക്കുന്നത്. നിയന്ത്രണം നഷ്ടപ്പെട്ട കാർ റോഡരികിലെ വൈദ്യുതി പോസ്റ്റിൽ ഇടിക്കുകയായിരുന്നു. ദീപാവലി അവധിക്കായി കോയമ്പത്തൂരിൽ നിന്ന് എത്തിയ സുഹൃത്തുക്കളുമായി പട്ടാമ്പിയിലേക്ക് പോവും വഴിയാണ് അപകടം സംഭവിച്ചത്.
