മാള : എസ്എഫ്ഐ പ്രവര്ത്തകന് ധീരജിനെ കുത്തിക്കൊന്ന കേസിലെ പ്രതിയും കെഎസ്യു നേതാവുമായ നിതിന് ലൂക്കോസ് തട്ടിപ്പ് കേസില് അറസ്റ്റില്.തൃശൂർ മാള സ്വദേശിയുടെ കാര് വാടകക്കെടുത്ത് പണയം വച്ചെന്നതാണ് കേസ്.നിതിന് ഉള്പ്പെടെ രണ്ടുപേരെയാണ് പോലീസ് അറസ്റ്റ് ചെയ്തത്. ധീരജ് വധക്കേസിലെ നാലാം പ്രതിയാണ് നിതിന്. സംഭവത്തിനു പിന്നില് കൂടുതല് പ്രതികളുണ്ടെന്ന് പോലീസ് അറിയിച്ചു. വാടകയ്ക്കെടുത്ത കാര് എറണാകുളത്ത് കൊണ്ടുപോയി നാല് ലക്ഷം രൂപയ്ക്കാണ് നിതിന് പണയം വെച്ചത്. ഇന്ന് വൈകീട്ട് കോടതിയില് ഹാജരാക്കി പ്രതികളെ റിമാന്ഡ് ചെയ്യും.
