ലഖ്നോ: 2024ന് മുമ്പ് ഉത്തര്പ്രദേശില് അമേരിക്കയെക്കാള് മികച്ച റോഡുകളുണ്ടാക്കുമെന്ന് ഉപരിതല ഗതാഗത വകുപ്പ് മന്ത്രി നിതിന് ഗഡ്കരി. 8000 കോടിയുടെ അടിസ്ഥാന സൗകര്യ വികസന പദ്ധതി യു.പിയില് പ്രഖ്യാപിച്ചതിന് പിന്നാലെയാണ് ഗഡ്കരിയുടെ പരാമര്ശം. അമേരിക്കയേക്കാള് യു.പിയിലെ റോഡുകള് മെച്ചപ്പെടുത്താന് വൈകാതെ അഞ്ച് ലക്ഷം കോടി മോദി സര്ക്കാര് അനുവദിക്കുമെന്നും ഗഡ്കരി പറഞ്ഞു.
ഷഹാബാദ്-ഹാര്ദോ ബൈപ്പാസ്, ഷാജാഹാന്പൂര്-ഷഹാബാദ് ബൈസ്, മൊറാദാബാദ്-താക്കൂര്വാര-കാശിപൂര് ബൈപ്പാസ്, ഗാസിപ്പൂര്-ബലിയ ബൈപ്പാസ് ഉള്പ്പടെ 8000 കോടിയുടെ പദ്ധതികളാണ് നിതിന് ഗഡ്കരി യു.പിയില് പ്രഖ്യാപിച്ചത്. നല്ല റോഡുകള് നിര്മ്മിക്കാന് പണമൊരു തടസമല്ലെന്നും ഗഡ്കരി പറഞ്ഞു. 81ാമത് റോഡ് കോണ്ഗ്രസില് സംസാരിക്കുകയായിരുന്നു ഗഡ്കരി. യു.പി മുഖ്യമന്ത്രി യോഗി ആദിത്യനാഥുമായും നിതിന് ഗഡ്കരി കൂടിക്കാഴ്ച നടത്തി.
