തിരുവനന്തപുരം: സ്വാതന്ത്ര്യത്തിന്റെ 75ാം വാര്ഷികത്തോടനുബന്ധിച്ച് നിയമസഭയില് പ്രത്യേക യോഗം ചേരും. 22ാം തീയതി രാവിലെ ചേരുന്ന യോഗത്തിലാണ് സ്വാതന്ത്ര്യത്തിന്റെ 75 വര്ഷങ്ങളെ സഭ സ്മരിക്കുന്നത്.അന്ന് മറ്റ് നടപടിക്രമങ്ങളുണ്ടാകില്ല.ഈ മാസം 22 മുതല് സെപ്റ്റംബര് രണ്ട് വരെ നിയമ നിര്മാണത്തിന് മാത്രമായി നിയമസഭ ചേരാനുള്ള സര്ക്കാരിന്റെ ശുപാര്ശ ഗവര്ണര് അംഗീകരിച്ചിരുന്നു. ഇതിന്റെ പശ്ചാത്തലത്തിലാണ് സ്വാതന്ത്ര്യത്തിന്റെ 75ാം വാര്ഷികത്തില് പ്രത്യേക യോഗം ചേരാനുള്ള തീരുമാനം.
നേരത്തെ കോണ്ഗ്രസ് ഈ ആവശ്യം ഉന്നയിച്ചിരുന്നെങ്കിലും സര്ക്കാര് അംഗീകരിച്ചിരുന്നില്ല. ഗവര്ണര് ഒപ്പിടാതിരുന്നതോടെ അസാധുവായ ഓര്ഡിനന്സുകള്ക്ക് പകരം സഭ ചേര്ന്ന് ബില്ല് പാസാക്കാനാണ് സര്ക്കാര് നീക്കം. 11 ഓര്ഡിനന്സുകളാണ് ബില്ലുകളാക്കി മാറ്റാനുള്ളത്. മറ്റു അജണ്ടകളൊന്നും ഈ സമ്മേളനത്തിലുണ്ടാകില്ല. കഴിഞ്ഞ വര്ഷവും സമാനമായ രീതിയില് സഭാ സമ്മേളനം ചേര്ന്നിരുന്നു.