അടൂർ : അടൂരിൽനിന്ന് പുനലൂരിലേക്ക് സന്ധ്യകഴിഞ്ഞാൽ യാത്ര ചെയ്യാൻ ബസില്ലാത്ത അവസ്ഥ. രാത്രിയായാൽ പിന്നെ കെ.എസ്.ആർ.ടി.സി.ബസോ, സ്വകാര്യ ബസോ അടൂർ-പുനലൂർ റൂട്ടിൽ ഓടുന്നില്ല. അടൂരിലും പരിസരങ്ങളിലുമുള്ള ഒട്ടേറെ സ്ഥാപനങ്ങളിൽ ജോലിചെയ്യുന്ന സ്ത്രീകളുൾപ്പെടെയുള്ള യാത്രക്കാർ ഇതുകാരണം പ്രയാസപ്പെടുകയാണ്.
അടൂരിൽനിന്ന് കായംകുളം ഭാഗത്തേക്കും രാത്രിയാത്ര ഏറെ പ്രയാസകരമാണ്. രാത്രി എട്ടിന് പോകുന്ന ഒരു സ്വകാര്യ ബസ് പോയിക്കഴിഞ്ഞാൽ ഒൻപതിനും 9.30-നും പുനലൂർ ഭാഗത്തുനിന്ന് കായംകുളത്തിന് പോകുന്ന ബസ് വരുന്നതുവരെ യാത്രക്കാർ കാത്തിരിക്കേണ്ട സാഹചര്യമാണുള്ളത്.
