ന്യൂഡല്ഹി : ജോലി ലഭിക്കാത്തതില് ഡിപ്രഷനിലായ 25 വയസ്സുകാരന് അമ്മയെ കൊലപ്പെടുത്തിയ ശേഷം ആത്മഹത്യചെയ്തു. ആത്മത്യാക്കുറിപ്പില് ഡല്ഹി സ്വദേശികളായ മിഥിലേഷ്, അമ്മ ക്ഷിതിജ് എന്നിവരാണ് മരിച്ചതെന്ന് തിരിച്ചറിഞ്ഞിട്ടുണ്ട്. ഞായറാഴ്ചയാണ് കത്തികൊണ്ട് കഴുത്തില് മുറിവേറ്റ് മരണപ്പെട്ട നിലയില് മിഥിലേഷിന്റെ മൃതദേഹം കണ്ടെത്തിയത്. ഇതിന് മൂന്ന് ദിവസം മുമ്പ് അമ്മ ക്ഷിതിജിനെ ഇയാള് കൊലപ്പെടുത്തിയിരുന്നതായി പോലീസ് പറഞ്ഞു.
മിഥിലേഷിന്റേതെന്ന് കരുതുന്ന 77 പേജ് ആത്മഹാത്യക്കുറിപ്പില് ജോലിയില്ലെന്നും ഡിപ്രഷനിലാണെന്നും എഴുതിയിട്ടുണ്ട്. വീട്ടില് നിന്ന് ദുര്ഗന്ധം പുറത്തുവന്നതിനെ തുടര്ന്ന് സമീപവാസികള് പോലീസ് കണ്ട്രോള് റൂമില് വിവരം അറിയിച്ചതോടെ പോലീസ് സ്ഥലത്തെത്തുകയായിരുന്നു. മുറി അകത്തുനിന്ന് പൂട്ടിയ നിലയിലായിരുന്നു. ഇത് തകര്ത്ത് അകത്തുകടന്നപ്പോഴാണ് രക്തത്തില് കുളിച്ച് മിഥിലേഷിന്റെ മൃതദേഹം കാണപ്പെട്ടത്. അമ്മയുടെ മൃതദേഹം കുളിമുറിയില് നിന്നാണ് കണ്ടെത്തിയത്. മൃതദേഹം അഴുകിയ നിലയിലായിരുന്നു.
