വർക്കല : വിദേശവനിതയ്ക്കു മുന്നിൽ നഗ്നതാപ്രകടനം നടത്തുകയും അസഭ്യം പറയുകയും ചെയ്തയാളെ വർക്കല പോലീസ് അറസ്റ്റു ചെയ്തു. വെട്ടൂർ ആശാൻമുക്ക് കാവിൽവീട്ടിൽ അബുതാലിബാ (32) ണ് പിടിയിലായത്. വർക്കല സ്വദേശിയെ വിവാഹം കഴിച്ച് വർക്കലയിൽ താമസിച്ചുവരുന്ന റഷ്യൻ സ്വദേശിനിയോടാണ് മോശമായി പെരുമാറിയത്.
ഞായറാഴ്ച രാത്രി ഏഴുമണിയോടെ കൊച്ചുവിളമുക്ക്-ഹെലിപ്പാഡ് റോഡിൽ സ്കൂട്ടറിലെത്തിയാണ് പ്രതി മോശം പെരുമാറ്റം നടത്തിയത്. സ്കൂട്ടറിന്റെ നമ്പർ സഹിതം ഇവർ വർക്കല പോലീസിൽ പരാതി നൽകി. സി.സി.ടി.വി ദൃശ്യങ്ങളുൾപ്പെടെ പരിശോധിച്ചാണ് പ്രതിയെ പിടികൂടിയത്.
