ബംഗളൂരു : മാരക ലഹരിമരുന്നുമായി ബംഗളൂരുവില് മലയാളി നഴ്സിംഗ് വിദ്യാര്ത്ഥി പിടിയില്. മംഗലയ്ക്കല് സ്വദേശി അഭിജിത്തിനെയാണ് കാട്ടക്കട എക്സൈസ് ഇന്സ്പെക്ടര് ബംഗളൂരുവില് നിന്നും പിടികൂടിയത്. അഭിജിത്തിന്റെ പക്കല് നിന്നും എംഡിഎംഎയും പിടികൂടി. 7.05 ഗ്രാം എംഡിഎംഎയാണ് പിടികൂടിയത്. ഇതിന് വിപണിയില് ഏകദേശം അര ലക്ഷത്തോളം രൂപ വിലവരും.
ബാംഗളൂരു കേന്ദ്രീകരിച്ച് ഓണ്ലൈന് വഴിയായിരുന്നു ലഹരിവസ്തുവിന്റെ കച്ചവടവും വിതരണവുമെന്ന് എക്സൈസ് പറഞ്ഞു. മയക്കുമരുന്ന് വിതരണത്തിന്റെ മുഖ്യകണ്ണിയായ മുഹമ്മദ് ഇര്ഫാനെ പിടികൂടാനുള്ള ശ്രമത്തിനിടെയാണ് അഭിജിത്ത് പിടിയിലായത്. അഭിജിത്തില് നിന്നും ഇര്ഫാനെക്കുറിച്ചുള്ള കൂടുതല് വിവരങ്ങള് ശേഖരിച്ചുവരികയാണ്.