മൂവാറ്റുപുഴ: നഴ്സിങ് വിദ്യാര്‍ഥിനികളെ വിവാഹ വാഗ്ദാനം നല്‍കി പീഡിപ്പിച്ച യുവാക്കള്‍ക്കെതിരെ കേസ്. ആരക്കുഴ സ്വദേശിനിയെ ബംഗളൂരുവില്‍ വെച്ച് പീഡിപ്പിച്ച കേസില്‍ രാജാക്കാട് സ്വദേശിക്കെതിരെയാണ് കേസെടുത്തത്. ഇയാളും അവിടെ ജോലി ചെയ്യുകയാണ്.
അതെ സമയം വാഴപ്പിള്ളി സ്വദേശിനിയായ 19കാരിയെ പീഡിപ്പിച്ചതാണ് മറ്റൊരു കേസ്. പഠനം കഴിഞ്ഞ് വീട്ടിലേക്ക് മടങ്ങാനിരുന്ന ദിവസമാണ് കാമുകനും മാവേലിക്കര സ്വദേശിയുമായ യുവാവ് വിവാഹ വാഗ്ദാനം നല്‍കി പീഡിപ്പിച്ചത്. ബന്ധുക്കള്‍ യുവാവിനെ വീട്ടിലെത്തി കണ്ട് വിവാഹം കഴിക്കാന്‍ ആവശ്യപ്പെട്ടെങ്കിലും ഒഴിഞ്ഞുമാറുകയായിരുന്നു. തുടര്‍ന്നാണ് പൊലീസില്‍ പരാതിപ്പെട്ടത്. മൂവാറ്റുപുഴ പൊലീസ് കേസെടുത്ത ശേഷം ബംഗളൂരു പൊലീസിനു കൈമാറി.
