വയനാട്: ഒളവത്തൂരില് സ്കൂളിൽ നിന്ന് അച്ഛനും സഹോദരിമാര്ക്കുമൊപ്പം വരുമ്പോള് വാഹനാപകടത്തില് നാലുവയസുകാരി മരിച്ചു. മുണ്ടേരി സ്കൂളിലെ അധ്യാപകന് സജി ആന്റോയുടെ മകള് ഐലിന് തെരേസയാണ് മരിച്ചത്. അമിതവേഗത്തിലെത്തിയ കാര് ഐലിനും കുടുബവും സഞ്ചരിച്ച കാറില് ഇടിക്കുകയായിരുന്നു. അച്ഛന് സജിയും മൂന്നുസഹോദരിമാരും പരുക്കുകളോടെ രക്ഷപ്പെട്ടു.വീട്ടിലേയ്ക്ക് നൂറു മീറ്റര് മാത്രം ദൂരമുണ്ടായിരുന്നുള്ളു. അവിടേയ്ക്ക് തിരിയാന് ശ്രമിക്കുന്നതിനിടയിലാണ് മറ്റൊരു കാര് വന്നിടിച്ചത്. ഇടിയിടെ ആഘാതത്തില് സംഭവസ്ഥലത്ത് വെച്ച് തന്നെ ഐലിന് മരണപ്പെടുകയായിരുന്നു.
