തിരുവനന്തപുരം : നെയ്യാറ്റിന്കരയില് വൃദ്ധയെ വീടിനുള്ളില് മരിച്ച നിലയില് കണ്ടെത്തി. ചെറുമകന് പോലിസ് കസ്റ്റഡിയില്. നെയ്യാറ്റിന്കര വെണ്പകല് ചുണ്ടവിള സ്വദേശി ശ്യാമളയാണ് മരിച്ചത്. മരണത്തില് ദുരൂഹത ആരോപിച്ച് ബന്ധുക്കള് രംഗത്തെത്തി. മകള്ക്കും കൊച്ചുമകനും ഒപ്പമായിരുന്നു താമസം. ചെറുമകന് ബിജുമോനെ പോലീസ് കസ്ററഡിയിലെടുത്ത് അന്വേഷണം തുടങ്ങി.
കടുത്ത മദ്യപാനിയായ കൊച്ചുമകന് ബിജുമോന് ശ്യമളയെ മര്ദ്ദിക്കാറുണ്ടായിരുന്നുവെന്ന് ബന്ധുക്കള് ആരോപിച്ചു. കഴിഞ്ഞ ദിവസം രാത്രി രണ്ടുമണിയോടെ ശ്യാമള തൊട്ടടുത്തുള്ള ബന്ധുവീട്ടിലെത്തി. ബിജുമോന് ക്രൂരമായി മര്ദ്ദിച്ചതിന്റെ പാടുകളും മുറിവും കാണിച്ചിരുന്നു. തുടര്ന്ന് വീട്ടിലേക്ക് മടങ്ങിയ ശ്യാമളയെ രാവിലെ മരിച്ച നിലയില് കണ്ടെത്തുകയായിരുന്നു.
