തിരുവനന്തപുരം : കിളിമാനൂരില് ബാലികയെ പീഡിപ്പിച്ച അയല്വാസിയായ വയോധികന് അറസ്റ്റില്. ആരൂര് പ്ലാവിള പുത്തന് വീട്ടില് സുരേന്ദ്രന് (67) ആണ് അറസ്റ്റിലായത്. കോടതിയില് ഹാജരാക്കിയ പ്രതിയെ റിമാന്റ് ചെയ്തു. കിളിമാനൂര് പോലീസ് സ്റ്റേഷന് പരിധിയില്പ്പെട്ട ഉള്ളൂര്ക്കോണത്ത് ഇന്നലെയാണ് കേസ്സിനാസ്പദമായ സംഭവം നടക്കുന്നത്. കുട്ടിയെ വീട്ടില് ഒറ്റയ്ക്കാക്കി കൊവിഡ് വാക്സിന് എടുക്കാനായി മാതാപിതാക്കള് പുറത്ത് പോയ സമയം വീട്ടില് അതിക്രമിച്ചു കയറിയ വയോധികനായ പ്രതി പെണ്കുട്ടിയ ഉപദ്രവിക്കുകയായിരുന്നു.
തുടര്ന്ന് മാതാപിതാക്കള് പോലീസില് പരാതി നല്കിയതിന്റെ അടിസ്ഥാനത്തില് ആറ്റിങ്ങല് ഡിവൈഎസ്പി ഡി.എസ് സുനീഷ് ബാബുവിന്റെ നിര്ദ്ദേശാനുസരണം കിളിമാനൂര് ഇന്സ്പെക്ടര് എസ്എച്ച്ഒ എസ്.സനൂജ്, എസ്ഐമാരായ സവാദ് ഖാന് , സത്യദാസ് , എ. എസ്. ഐ ഷജീം , സിപിഒമാരായ മഹേഷ് , ശ്രീരാജ് , സജ്ന, രേഖ ആര് നാഥ് , എന്നിവരടങ്ങിയ പോലീസ് സംഘം സംഭവ സ്ഥലത്തെത്തി പെണ്കുട്ടിയുടെ മൊഴി രേഖപ്പെടുത്തുകയും പ്രതിയെ അറസ്റ്റ് ചെയ്യുകയും ചെയ്തു.