കൊല്ലം : ചടയമംഗലത്ത് വയോധികനെ പോലീസ് റോഡിലിട്ട് തല്ലിയ കേസില് ഒരു വര്ഷമായിട്ടും കുറ്റപത്രം നല്കിയില്ലെന്ന് ആരോപണം. ആരോപണ വിധേയനായ പോലീസുകാരനെ സംരക്ഷിക്കാന് ഉന്നത ഉദ്യോഗസ്ഥര് ഒത്തുതീര്പ്പിന് വന്നെന്ന് മര്ദ്ദനമേറ്റ രാമാനന്ദന് നായര് വ്യക്തമാക്കി. തല്ലിയ ദൃശ്യങ്ങള് പകര്ത്തിയ യുവാവും പോലീസ് ഭീഷണി നേരിടുകയാണ്.
കഴിഞ്ഞ വര്ഷം ഒക്ടോബര് ഏഴിനാണ് ചടയമംഗലം മഞ്ഞപ്പാറ ജംഗ്ഷനില് വച്ച് രാമാനന്ദന് നായരേയും അജിയേയും ചടയമംഗലം പ്രൊബേഷന് എസ്ഐ സജീം മര്ദിച്ചത്. ഇവിടെ വച്ചാണ് പോലീസ് ഞങ്ങളെ തടഞ്ഞു നിര്ത്തിയത്. മാസ്ക് ഉണ്ടായിരുന്നു പക്ഷേ ഹെല്മറ്റ് ഉണ്ടായിരുന്നില്ല. കൈയില് പൈസ ഇല്ലാത്തതിനാല് ഞാന് കോടതിയില് അടയ്ക്കാമെന്ന് വ്യക്തമാക്കി. ബലം പ്രയോഗിക്കുകണോ എന്ന് പറഞ്ഞ് കരണത്ത് ഒറ്റയടി. എന്നിട്ട് എടുത്ത് ജീപ്പിലേക്ക് തള്ളി – രാമാനന്ദന് നായര് പറയുന്നു.
