കോന്നി : കോന്നി ചിറ്റൂർ മുക്കിൽ വയോധിക സ്വയം മണ്ണെണ്ണയൊഴിച്ച് തീകൊളുത്തി മരിച്ചു. ചിറ്റൂർമുക്ക് തടത്തിൽ പുത്തൻവീട്ടിൽ മറിയാമ്മ ശാമുവേൽ (86)ആണ് മരിച്ചത്. പ്രായാധിക്യത്തെ തുടർന്ന് വീട്ടിൽ കഴിയുകയായിരുന്നു ഇവർ. വ്യാഴാഴ്ച ഉച്ചയ്ക്ക് ഒന്നരയോടെ ആണ് സംഭവം ശ്രദ്ധയിൽ പെടുന്നത്. വീട്ടിലുണ്ടായിരുന്നവർ ഇവരുടെ ഉടമസ്ഥതയിലുള്ള മാമൂട്ടിലെ വ്യാപാര സ്ഥാപനത്തിലേക്ക് പോയപ്പോഴാണ് സംഭവം നടന്നതെന്നാണ് പോലീസ് നിഗമനം. മൃതദേഹം പത്തനംതിട്ട ജനറൽ ആശുപത്രിയിലേക്ക് മാറ്റി. കൊവിഡ് പരിശോധനകൾക്കും പോസ്റ്റുമോർട്ടം നടപടികൾക്കും ശേഷം മൃതദേഹം ബന്ധുക്കൾക്ക് വിട്ടുനൽകും. സംഭവത്തിൽ ദുരൂഹത ആരോപിക്കപ്പെട്ടിട്ടില്ലെന്നും കോന്നി പോലീസ് പറഞ്ഞു.
