കോന്നി : മ്യൂസിക് ആപ്ലിക്കേഷനായ സ്മൂൾ വഴി പരിചയപ്പെട്ട കാമുകനുമായി ഒളിച്ചോടിയ രണ്ട് കുട്ടികളുടെ അമ്മയായ യുവതിക്കും കാമുകനുമെതിരെ കൂടൽ പോലീസ് കേസ് എടുത്തു. ഇരുവരേയും റിമാൻഡ് ചെയ്തു. കഴിഞ്ഞ ഇരുപതിനായിരുന്നു സംഭവം. കൂടൽ നെല്ലിമുരുപ്പ് പറപ്പാട്ട് വീട്ടിൽ ബിൻസ് (38)ന്റെ ഭാര്യ രശ്മി(30) തൃശൂർ കടങ്ങോട് എരുമപ്പെട്ടി സ്വദേശി ബിജു(33)ന്റെ കൂടെ ഒളിച്ചോടുകയായിരുന്നു. ബിൻസ് ഗൾഫിൽ റിഗ്ഗിൽ പെയിന്ററായി ജോലി ചെയ്ത് വരുകയായിരുന്നു.
മ്യൂസിക് ആപ്ലിക്കേഷനായ സ്മൂളിലൂടെ ബിജുവിനെ പരിചയപ്പെട്ട രശ്മി തന്റെ മൂന്നും ഏഴും വയസുള്ള രണ്ട് പെൺമക്കളേയും ഉപേക്ഷിച്ചാണ് ഒളിച്ചോടിയത്. പ്രായപൂർത്തിയാകാത്ത പെൺമക്കളെ ഉപേക്ഷിച്ച് ഒളിച്ചോടിയ വീട്ടമ്മയ്ക്കെതിരെ ജുവനൈൽ ജസ്റ്റിസ് ആക്ട് പ്രകാരവും കാമുകനെതിരെ ഒളിച്ചോട്ട പ്രേരണാകുറ്റത്തിനുമാണ് കേസ് രജിസ്റ്റർ ചെയ്തിരിക്കുന്നത്. ബിൻസിന്റെ പരാതിയുടെ അടിസ്ഥാനത്തിലാണ് കൂടൽ പോലീസ് നടപടി സ്വീകരിച്ചത്.
