പത്തനംതിട്ട : പോലീസ് വകുപ്പിലെ പോലീസ് കോൺസ്റ്റബിൾ (ഇന്ത്യൻ റിസർവ് ബറ്റാലിയൻ കമ്മാന്റോ വിങ്) തസ്തികയിലേക്കുള്ള തെരഞ്ഞെടുപ്പിന്റെ ഭാഗമായി എൻട്രൻസ് ടെസ്റ്റ് നടത്തുന്ന ദിവസങ്ങളിൽ ഗതാഗത നിയന്ത്രണം ഏർപ്പെടുത്തിയതായി ജില്ലാ പോലീസ് മേധാവി അറിയിച്ചു. ജൂലൈ 5 മുതൽ 6 ദിവസത്തേക്കാണ് നിയന്ത്രണം. പെരുന്നാൾ അവധി കാരണം 9,10 തിയതികളിലെ ടെസ്റ്റ് തൊട്ടടുത്ത ദിവസങ്ങളിലാവും നടക്കുക.
ഓമല്ലൂർ – പരിയാരം റോഡിൽ ഓമല്ലൂർ ഓർത്തഡോക്സ് പള്ളി ഗ്രൗണ്ട് മുതൽ ആശുപത്രി ജംഗ്ഷൻ വരെയുള്ള 5 കിലോമീറ്റർ ദൂരത്ത് ഈദിവസങ്ങളിൽ രാവിലെ 4 മണിമുതൽ ഉച്ചയ്ക്ക് 12 വരെ ഗതാഗതം പൂർണമായും നിയന്ത്രിയ്ക്കും. ഇലന്തൂർ ഭാഗത്തുനിന്നും ഓമല്ലൂർ ഭാഗത്തേക്കും തിരിച്ചുമുള്ള വാഹനങ്ങൾ തിരുവല്ല കുമ്പഴ റോഡിൽ കൂടിയോ, ചിറക്കാല നിന്നും തിരിഞ്ഞു പുത്തൻപീടിക വാര്യാപുരം റോഡിലൂടെയോ പോകേണ്ടതാണ്. ഗതാഗത ക്രമീകരങ്ങൾക്കായി ആവശ്യത്തിന് പോലീസിനെ നിയോഗിക്കുമെന്നും ടെസ്റ്റിന്റെ സുഗമമായ നടത്തിപ്പിന് പോലീസ് ഏർപ്പെടുത്തേണ്ട സൗകര്യങ്ങൾ ചെയ്തിട്ടുണ്ടെന്നും ജില്ലാ പോലീസ് മേധാവി അറിയിച്ചു.
