ആനന്ദപ്പള്ളി: നൂറ്റാണ്ടുകളുടെ പാരമ്പര്യമുള്ള ഓമല്ലൂർ വയൽവാണിഭത്തിന് മുന്നോടിയായി നടത്തിയ ദീപശിഖാ പ്രയാണ വിളംബര ജാഥയ്ക്ക് കാലങ്ങളായി നൽകിവരുന്ന വരവേൽപ്പ് ഇപ്രാവിശ്യവും ആനന്ദപ്പള്ളി കർഷക സമിതിയുടെ ആഭിമുഖ്യത്തിൽ ഊഷ്മള സ്വീകരണം നൽകി. കർഷക സമിതി പ്രസിഡന്റ് വർഗീസ് ദാനിയേലിന്റെ അധ്യക്ഷതയിൽ ചേർന്ന സ്വീകരണ യോഗം രക്ഷാധികാരി റവ. പി.ജി. കുര്യൻ പ്ലാംങ്കാലായിൽ കോർ-എപ്പിസ്കോപ്പ ഉദ്ഘാടനം ചെയ്തു.
ഫാദർ പ്രൊഫ. ജോർജ് വർഗീസ്, ഡോ. പി.സി. യോഹന്നാൻ, നഗരസഭാ കൗൺസിലർമാരായ ജ്യോതി സുരേന്ദ്രൻ, ജി. പ്രമോദ്, മനു വിത്സൻ എന്നിവരും വി.സി. ജേക്കബ്, എ. രാമചന്ദ്രൻ, വി.കെ. സ്റ്റാൻലി തുടങ്ങിയവരും പ്രസംഗിച്ചു. ജാഥാ ക്യാപ്റ്റൻ സുരേഷ് കുമാർ ഓലിത്തുണ്ടിൽ, ഓമല്ലൂർ പഞ്ചായത്ത് പ്രസിഡന്റ് വി. ആതിര, ആർ. അഭിലാഷ്, സജയൻ ഓമല്ലൂർ തുടങ്ങിയവർ സ്വീകരണത്തിന് മറുപടി പ്രസംഗം നടത്തി. പ്രദേശത്തെ നിരവധി കർഷകരും സാമൂഹിക സാംസ്കാരിക പ്രവർത്തകരും നാട്ടുകാരും ചടങ്ങിൽ പങ്കെടുത്തു.
