പത്തനംതിട്ട : മാർച്ച് 15 മുതൽ ഓമല്ലൂരിൽ ആരംഭിക്കുന്ന ചരിത്ര പ്രസിദ്ധമായ വയൽ വാണിഭത്തിനു ബൈജു ഓമല്ലൂർ ജനറൽ കൺവീനറായുള്ള അൻപത്തി ഒന്നംഗ കമ്മറ്റിയെ തിരഞ്ഞെടുത്തു. ടി പി ഹരിദാസൻ നായർ, കെ.ബാലകൃഷ്ണൻ നായർ, കെ.ജി വർഗീസ്, ആർ.സി നായർ എന്നിവർ രക്ഷാധികാരികളായും, പ്രോഗ്രാം കമ്മറ്റി അഡ്വ.മനോജ് കുമാർ (ചെയർമാൻ ) സജയൻ ഓമല്ലൂർ (കൺവീനർ) ,പബ്ലിസിറ്റി, എം.ആർ അനിൽ കുമാർ (ചെയർമാൻ ) സുബിൻ തോമസ് (കൺവീനർ), ഫിനാൻസ്, ഷാജി ജോർജ് (ചെയർമാൻ ) അഭിലാഷ് ഓമല്ലൂർ (കൺവീനർ) ഫുഡ്, സാലി തോമസ് (ചെയർമാൻ ) സജി വറുഗീസ് (കൺവീനർ), റിസപ്ഷൻ ജി.സുരേഷ് കുമാർ (ചെയർമാൻ ) അമ്പിളി കെ.എൻ (കൺവീനർ) എന്നിവർ വിവിധ കമ്മറ്റികൾക്കു നേതൃത്വം നൽകും.
ഗ്രാമ പഞ്ചായത്ത് പ്രസിഡന്റ് ജോൺസൻ വിളവിനാലിന്റെ അദ്ധ്യക്ഷതയിൽ കൂടിയ യോഗത്തിൽ വൈസ് പ്രസിഡന്റ് സ്മിത സുരേഷ്, സെക്രട്ടറി പി.രാജീവ് എന്നിവർ സംസാരിച്ചു . മാർച്ച് പതിനാലിന് കൊല്ലം ജില്ലയിലെ വെളിനെല്ലുരിൽ നിന്നും ആരംഭിക്കുന്ന ദീപശിഖ പ്രയാണത്തോടെ ആരംഭം കുറിക്കുന്ന ഒരു മാസം നീണ്ടു നിൽക്കുന്ന വയൽ വാണിഭത്തിൽ തൃശൂരിൽ നിന്നുള്ള പുലികളി സംഘത്തെ ഉൾപ്പടെ പങ്കെടുപ്പിക്കാൻ യോഗം തീരുമാനിച്ചു. വിവിധ സാംസ്കാരിക പരിപാടികളും വൈകുംനേരങ്ങളില് അരങ്ങേറും
