ഒമാൻ : പ്രവാസികൾക്ക് തിരിച്ചടിയേകി ചില പ്രത്യേക വിഭാഗങ്ങളിൽപ്പെട്ട തൊഴിലാളികളുടെ വിസ പുതുക്കില്ലെന്ന് ഒമാൻ വ്യക്തമാക്കി. സെയിൽസ് , പർച്ചെസിങ്ങ് വിഭാഗങ്ങളിൽപ്പെട്ട വിദേശ തൊഴിലാളികളുടെ വിസയാണ് പുതുക്കേണ്ടന്നു തീരുമാനിച്ചിരിക്കുന്നത് . ഒമാൻ മനുഷ്യ വിഭവശേഷി മന്ത്രി അബ്ദുള്ള ബിൻ നാസ്സർ അൽ ബിക്രിയുടേതാണ് ഉത്തരവ് . ഇത്തരം വിഭാഗത്തിൽപ്പെട്ട വിദേശതൊഴിലാളികൾ നിലവിലെ വിസയുടെ കാലാവധി കഴിഞ്ഞാലുടൻ നാട്ടിലേക്കു മടങ്ങണം. മേഖലയിൽ തദ്ദേശവത്കരണം വരുത്തുന്നതിന്റെ ഭാഗമായാണ് നടപടി.
ഒമാൻ നാഷണൽ സെന്റർ ഓഫ് സ്റ്റാറ്റിസ്റ്റിക്‌സ് കണക്കുകൾ പ്രകാരം ഏകദേശം 1.7 ദശലക്ഷം വിദേശതൊഴിലാളികൾ രാജ്യത്തുണ്ടെന്നാണ് റിപ്പോർട്ട്.
