ബംഗളൂരു : ബംഗളൂരുവില്‍ ഒമിക്രോണ്‍ സ്ഥിരീകരിച്ച ഡോക്ടര്‍ അന്താരാഷ്ട്ര മെഡിക്കല്‍ കോണ്‍ഫറന്‍സില്‍ പങ്കെടുത്തിരുന്ന തായി റിപ്പോര്‍ട്ട്. ബംഗളൂരുവിലെ നക്ഷത്ര ഹോട്ടലില്‍ നടന്ന പരിപാടികളില്‍ വിദേശികള്‍ പങ്കെടുത്തിരുന്നു. ഇവരുടെ പട്ടിക തയാറാക്കുന്നതായി ആരോഗ്യവകുപ്പ് അറിയിച്ചു. ഡോക്ടര്‍ വിദേശരാജ്യങ്ങളൊന്നും സന്ദര്‍ശിച്ചിരുന്നില്ല എന്നതിനാല്‍ എവിടെ നിന്നാണ് രോഗം പകര്‍ന്നതെന്ന ആശങ്ക നിലനില്‍ക്കുകയായിരുന്നു.
ഒമിക്രോണ്‍ വകഭേദം കണ്ടെത്തിയ സാഹചര്യത്തില്‍ കര്‍ണാടകയില്‍ കര്‍ശന നിയന്ത്രണം തുടരുകയാണ്. ബംഗളൂരുവില്‍ പ്രവേശിക്കാന്‍ കൊവിഡില്ലാ സര്‍ട്ടിഫിക്കറ്റ് നിര്‍ബന്ധമാണ്. പൊതുഇടങ്ങളില്‍ കൊവിഡ് വാക്സീന്‍ രണ്ട് ഡോസ് എടുത്തവര്‍ക്ക് മാത്രമാണ് പ്രവേശനം. കേരളത്തില്‍ നിന്ന് എത്തുന്നവര്‍ക്കും കര്‍ശന പരിശോധനയാണ്.
