പത്തനംതിട്ട: പത്തനംതിട്ട മില്ലത്ത് പബ്ലിക് ലൈബ്രറിയുടെ ഓണാഘോഷ പരിപാടികളുടെ ഭാഗമായി നടന്ന സാംസ്ക്കാരിക സമ്മേളനം ആരോഗ്യ മന്ത്രി വീണാ ജോര്ജ് ഉദ്ഘാടനം ചെയ്തു. നാടിന്റെ സാംസ്കാരിക മുന്നേറ്റത്തിന് ഗ്രന്ഥശാലകളുടെ സംഭാവന വിലമതിക്കാനാവാത്തതാണെന്ന് മന്ത്രി പറഞ്ഞു. സംസ്ഥാന മത്സ്യബോര്ഡ് അംഗം സക്കീര് അലങ്കാരത്ത് അധ്യക്ഷത വഹിച്ചു. ആയുര്വേദത്തെ ജനകീയമാക്കിയ ഡോ. വഹീദ റഹ്മാന്, ഹാസ്യ സമ്രാട്ട് താജ് പത്തനംതിട്ട എന്നിവരെ വേദിയില് ആദരിച്ചു.
മുനിസിപ്പല് ചെയര്മാന് റ്റി.സക്കീര് ഹുസൈന്, മുന് ചെയര്മാന് എ.സുരേഷ് കുമാര്, കൗണ്സിലര് എ.അഷറഫ്, മുന് കൗണ്സിലര് അന്സര് മുഹമ്മദ്, രക്ഷാധികാരി അഹമ്മദ് ഇസ്മയില്, അഡ്വ. മുഹമ്മദ് അന്സാരി, അഡ്വ. എ.എം. ആബിദ്, റ്റി.പി.ശശാങ്കന്, ശിഹാബ് എന്നിവര് പ്രസംഗിച്ചു. ലൈബ്രറിയുടെ ഭാഗമായ ബാലവേദിയുടെ ഉദ്ഘാടനം ജില്ലാ ലൈബ്രറി കൗണ്സില് എക്സി. അംഗം എ. ഗോകുലേന്ദ്രനും വനിതാവേദി ഉദ്ഘാടനം ആര്ക്കിടെക്ട് ഷഹ്ന ഹനീഫും നിര്വ്വഹിച്ചു. പ്രസിഡന്റ് എ.എസ്.എം. ഹനീഫ സ്വാഗതവും വൈസ് പ്രസിഡന്റ് ബിജു മുസ്തഫ കൃതജ്ഞതയും പറഞ്ഞു. രാവിലെ നടന്ന ക്രിക്കറ്റ് ടൂര്ണമെന്റിലെ ജേതാക്കള്ക്ക് മന്ത്രി ട്രോഫികള് വിതരണം ചെയ്തു. കലാ-കായിക മത്സരങ്ങളിലെ വിജയികള്ക്ക് മുനിസിപ്പല് ചെയര്മാന് സമ്മാനദാനം നടത്തി.
