പത്തനംതിട്ട : ബ്ലഡ് ഡൊണേഴ്സ് കേരള പത്തനംതിട്ടയുടെ ഈ വർഷത്തെ ഓണാഘോഷം ‘ഓണക്കൂട്ട് 2022’ കോഴഞ്ചേരി തെക്കേമല തുണ്ടഴത്തുള്ള മഹാത്മാ ജന സേവന കേന്ദ്രത്തിൽ വെച്ച് സെപ്റ്റംബർ 9 നു രാവിലെ 11 മണി മുതൽ ആരംഭിക്കുമെന്ന് ഭാരവാഹികൾ അറിയിച്ചു. ആറ്റിങ്ങൽ എംപി അടൂർ പ്രകാശ് ഉത്ഘാടനം ചെയ്യും. ചടങ്ങിൽ പ്രശസ്ത സിനിമ താരം നിയ ശങ്കരത്തിൽ മുഖ്യ അതിഥിയായിരിക്കും. ഓണക്കോടി, ഓണ സദ്യക്ക് പുറമെ ഈ സ്ഥാപനത്തിന് ആവശ്യമായ മൈക് സിസ്റ്റവും ഓണ സമ്മാനമായി നൽകും.
പ്രസ്തുത ചടങ്ങിൽ വെച്ച് രക്തദാന രംഗത്ത് ബ്ലഡ് ഡോണേഴ്സ് കേരളയുമായുള്ള സഹകരണത്തെ മാനിച്ചുകൊണ്ട് ടീം പത്തനംതിട്ട സോൾജിയേഴ്സ് (തപസ്സ്), അസോസിയേഷൻ ഓഫ് ഓട്ടോമൊബൈൽ വർക്ക്ഷോപ്പ് കേരള പത്തനംതിട്ട എന്നീ സംഘടനകളെയും കേരളം മുതൽ കാശ്മീർ വരെ സൈക്കിൾ യാത്ര നടത്തിയ ബിഡികെ പത്തനംതിട്ട വോളന്റിയർ ആയ റിജോ ജോർജിനെയും ആദരിക്കും. തുടർന്ന് രാജേഷ് മാമ്പാറയും സംഘവും നടത്തുന്ന നാടൻപാട്ടും നടത്തപ്പെടുന്നതാണ്. കൂടുതൽ വിവരങ്ങൾക്ക് മനു മോഹൻ 82816 00092, ബിജു കുമ്പഴ 9526117989, ജറിൻ വെണ്ണിക്കുളം 8547650304.
