തിരുവനന്തപുരം: സംസ്ഥാനത്ത് എല്ലാ റേഷന് കാര്ഡ് ഉടമകള്ക്കും സൗജന്യ ഓണക്കിറ്റ് വിതരണം ചെയ്യും. ഓണക്കിറ്റ് വിതരണം ചെയ്യാന് 220 കോടി ഉള്പ്പെടെ 400 കോടി രൂപ സപ്ലൈകോയ്ക്ക് ഭക്ഷ്യ പൊതുവിതരണ വകുപ്പ് അനുവദിച്ചു.തുണിസഞ്ചി ഉള്പ്പെടെ 14 സാധനങ്ങള് അടങ്ങിയ ഒരു കിറ്റിന്റെ വില 434 രൂപയാണ്. ഈ സാമ്പത്തിക വര്ഷം വിപണി ഇടപെടലിനായാണ് ബാക്കി 180 കോടി രൂപ. ലോഡിങ്. കടത്തുകൂലി തുടങ്ങിയതിനുള്ള ചെലവായി 13 രൂപ (3%) കൂടി ചേര്ത്ത് ആകെ വില 447 രൂപയാണ് വരിക.എന്നാല്, മുന്പു കിറ്റുകള് വിതരണം ചെയ്ത വകയില് കുടിശികയായ കമ്മീഷന് നല്കുന്നതു സംബന്ധിച്ച് ഉത്തരവിറക്കിയിട്ടില്ല. റേഷന് വ്യാപാരികള്ക്കും കമ്മീഷന് നല്കുവാന് തുക നീക്കിവച്ചിട്ടില്ല.
