റാഞ്ചി : ഝാര്‍ഖണ്ഡില്‍ വാഹന പരിശോധനയ്‌ക്കിടെ വനിതാ പോലീസ് ഉദ്യോഗസ്ഥയെ ട്രക്ക് കയറ്റി കൊലപ്പെടുത്തിയ സംഭവത്തില്‍ പശുക്കടത്ത് സംഘത്തിലെ ഒരാള്‍ കൂടി അറസ്റ്റില്‍. കേസിലെ പ്രധാന പ്രതിയാണ് അറസ്റ്റിലായത്. ഇതോടെ സംഭവത്തില്‍ അറസ്റ്റിലായവരുടെ എണ്ണം രണ്ടായി. ഇന്നലെയാണ് ഇയാളെ അറസ്റ്റ് ചെയ്തത്. കസ്റ്റഡിയില്‍ എടുത്ത ഇയാളെ വിശദമായി ചോദ്യം ചെയ്തിരുന്നു. ഇതിന് പിന്നാലെയായിരുന്നു അറസ്റ്റ് രേഖപ്പെടുത്തിയത്.
സംഭവത്തില്‍ കൂടുതല്‍ പേരെ കസ്റ്റഡിയില്‍ എടുത്തിട്ടുണ്ട്. ഇവരെ ചോദ്യം ചെയ്തുവരികയാണ്. ഇതിന് ശേഷം ഇവരുടെ അറസ്റ്റ് രേഖപ്പെടുത്തുമെന്ന് അന്വേഷണ സംഘം വ്യക്തമാക്കി. ടുപുഡാന സ്റ്റേഷനിലെ സബ് ഇന്‍സ്പെക്ടറായ സന്ധ്യ ടോപ്‌നോയെ ആണ് പശുക്കടത്ത് സംഘം പശുക്കളുമായി എത്തിയ ട്രക്ക് ശരീരത്തിലൂടെ ഓടിച്ച്‌ കയറ്റി കൊലപ്പെടുത്തിയത്. സംഭവത്തില്‍ ട്രക്ക് ഡ്രൈവറെ പോലീസ് അറസ്റ്റ് ചെയ്തിട്ടുണ്ട്. പശുക്കളുമായി എത്തിയ ട്രക്കും പോലീസ് പിടിച്ചെടുത്തു.
