കോട്ടയം : വൺ ഇന്ത്യ വൺ പെൻഷൻ മൂവ്മെന്റിന്റെ മൂന്നാമത് വാർഷികവും, നാലാമത് സ്ഥാപക ദിനാഘോഷവും, സംസ്ഥാന പ്രതിനിധി സമ്മേളനവും കോട്ടയം ദർശന ഓഡിറ്റോറിയത്തിൽ വെച്ച് നടന്നു. ഓവർസീസ് പ്രസിഡന്റും സ്ഥാപകരിൽ ഒരാളുമായബിബിൻ പി.ചാക്കോ സമ്മേളനം ഉദ്ഘാടനം ചെയ്തു.
കഷ്ടത അനുഭവിക്കുന്ന 60 വയസ്സ് എല്ലാ മുതിർന്ന പൗരന്മാർക്കും പ്രതിമാസം പതിനായിരം രൂപ സാമൂഹ്യ സുരക്ഷാ പെൻഷനായി നൽകണമെന്ന് പ്രസംഗത്തിൽ ബിബിൻ പി. ചാക്കോ സർക്കാരിനോട് ആവശ്യപ്പെട്ടു. യോഗത്തിൽ കോഴിക്കോട് ജില്ലാ പ്രസിഡൻറ് ശ്രീ.സണ്ണി വി.ജോസഫ്, തൃശ്ശൂർ ജില്ലാ പ്രസിഡൻറ് ശ്രീ.സതീശൻ കാങ്കലാത്ത്, പത്തനംതിട്ട ജില്ലാ പ്രസിഡണ്ട് ശ്രീ.എൻ.രാധാകൃഷ്ണൻ, കോട്ടയം ജില്ലാ പ്രസിഡണ്ട് ശ്രീ.ജോണി തോമസ്സ് , ശ്രീ . കോയ യുസഫ് തുടങ്ങിയവർ പ്രസംഗിച്ചു.
തുടർന്ന് സംഘടനയുടെ ചരിത്രവീഥിയിലൂടെ ഒരു യാത്ര എന്ന ഡോക്യുമെന്ററി പ്രദർശിപ്പിച്ചു. ഉച്ചഭക്ഷണത്തിനു ശേഷം വിവിധ ജില്ലകളിലെ പ്രവർത്തകർ അവതരിപ്പിച്ച മാജിക് ഷോയും, കലാപരിപാടികളും, നറുക്കെടുപ്പും, സമ്മാന ദാനവും നടന്നു.
