വെൺമണി : വൺ ഇൻഡ്യാ വൺ പെൻഷൻ മൂവ്മെന്റ് ചെങ്ങന്നൂർ മണ്ഡലം പ്രവർത്തക സമ്മേളനം നടത്തി. ചെങ്ങന്നൂർ മണ്ഡലത്തിലെ അംഗങ്ങളുടെ എണ്ണം വർധിപ്പിക്കുവാൻ യോഗം തീരുമാനിച്ചു. ഇതോടൊപ്പം പഞ്ചായത്ത്, വാർഡ്തല യോഗം ചേർന്ന് പുതിയ ഭാരവാഹികളെ തെരഞ്ഞെടുക്കുവാനും തീരുമാനമെടുത്തു. വെൺമണി തെക്കടത്ത് കോയിക്കൽ ഭവനാങ്കണത്തിൽ ചേർന്ന യോഗത്തിൽ മണ്ഡലം പ്രസിഡന്റ് സാം കെ ചാക്കോ അധ്യക്ഷത വഹിച്ചു. സംസ്ഥാന കൗൺസിലംഗം ബ്ളസ്സൻ ജേക്കബ് ഉദ്ഘാടനം ചെയ്തു. ജില്ലാ സെക്രട്ടറി സാലസ് ജേക്കബ് മുഖ്യ സന്ദേശം നൽകി. സംസ്ഥാന കൗൺസിലംഗം പ്രദീപ് കരുവാറ്റ, സംസ്ഥാന കമ്മറ്റിയംഗം വർഗീസ് പാറപ്പുറം, മണ്ഡലം സെക്രട്ടറി മാത്യു ഏബ്രഹാം, വെൺമണി പഞ്ചായത്ത് കോ – ഓർഡിനേറ്റർ എം.വി ജയിംസ് എന്നിവർ പ്രസംഗിച്ചു.
