കോഴിക്കോട്: വാഹന നികുതി അടക്കാത്തതിന് ഇന്ഡിഗോ എയര്ലൈന്സിന്റെ ഒരു ബസ്സിനു കൂടി മോട്ടോര് വാഹന വകുപ്പ് പിഴ ചുമത്തി. രണ്ടാമത്തെ ബസ്സ് നിലവിൽ വിമാനത്താവളത്തിന് അകത്താണ്. അവിടെ നിന്ന് പുറത്തിറങ്ങിയാൽ മാത്രമേ ബസ് കസ്റ്റഡിയിൽ എടുക്കാനാവൂ എന്നും മോട്ടോര് വാഹന വകുപ്പ് അറിയിച്ചു. 37000 രൂപയാണ് പിഴ സഹിതം അടക്കേണ്ടത്.
ഇന്നലെയാണ് ഇന്ഡിഗോയുടെ മറ്റൊരു ബസ് പിടിച്ചെടുത്തത്. ബസ് കസ്റ്റഡിയിൽ എടുത്ത സാഹചര്യത്തിൽ പരിശോധന വ്യാപകമാക്കാൻ മോട്ടോർ വാഹനവകുപ്പ് തീരുമാനിച്ചിരുന്നു. നികുതി ഒടുക്കാതെ ഇൻഡിഗോ യുടെ എത്ര വാഹനങ്ങൾ ഇത്തരത്തിൽ ഓടുന്നുണ്ട് എന്ന കണക്ക് മോട്ടോർ വാഹന വകുപ്പ് ശേഖരിക്കുന്നുണ്ട്.
