അടൂര് : വസ്തുവിലെ മണ്ണ് മാറ്റുന്നതുമായി ബന്ധപ്പെട്ട തര്ക്കത്തെ തുടര്ന്നുണ്ടായ പ്രത്യാക്രമണത്തില് വീട്ടമ്മയെ കൊലപ്പെടുത്തിയ കേസില് ഒരാള് കൂടി അറസ്റ്റില്. അടൂര് ഏനാദിമംഗലം ചാങ്കൂര് ഒഴുകുപാറ വടക്കേചരുവില് സുജാത കൊല്ലപ്പെട്ട കേസില് കുറുമ്പകര ശ്യാം രാജഭവനില് രാജന് മകന് ശ്യാംരാജ് (35 ) ആണ് പിടിയിലായത്. പോലീസ് ഇന്സ്പെക്ടര് ടി ഡി പ്രജീഷിന്റെ നേതൃത്വത്തിലുള്ള പ്രത്യേക അന്വേഷണസംഘമാണ് ഇയാളെ അറസ്റ്റ് ചെയ്തത്. കൂടുതല് പ്രതികള്ക്കായി അന്വേഷണം തുടരുകയാണ്.
നേരത്തെ അറസ്റ്റിലായ 11 പേരെ കസ്റ്റഡിയില് വാങ്ങി ചോദ്യം ചെയ്തതിനെ തുടര്ന്നാണ് ശ്യാംരാജിന്റെ അറസ്റ്റ്. പതിനഞ്ചോളം വരുന്ന സംഘമാണ് വീട്ടില് കയറി ആക്രമണം നടത്തി സുജാതയെ കൊലപ്പെടുത്തിയത്. വീട് മുഴുവനും തല്ലിതകര്ക്കുകയും വീട്ടുപകരണങ്ങള് നശിപ്പിച്ച് വീടിന് മുന്പിലുള്ള കിണറ്റിലിടുകയും ചെയ്തു .വീട്ടിലെ വളര്ത്തുനായയെയും വെട്ടിപ്പരിക്കേല്പ്പിച്ചിരുന്നു. ബന്ധുക്കള് തമ്മിലുള്ള വഴിത്തര്ക്കം തീര്ക്കുന്നതിനായി സുജാതയുടെ മക്കളായ സൂര്യലാല്(24), ചന്ദ്രലാല്(21) എന്നിവര് അവരുടെ വളര്ത്തു നായയുമായി എത്തി ആക്രമണം നടത്തിയതിന്റെ പ്രതികാരമായാണ് സംഘം ചേര്ന്ന് വീടുകയറി ആക്രമിച്ചത്.
വീഡിയോ എഡിറ്ററെ ആവശ്യമുണ്ട്
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായിലേക്ക് വീഡിയോ എഡിറ്ററെ ആവശ്യമുണ്ട്. യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും ഓണ്ലൈന് ന്യുസ് ചാനലിന്റെ വീഡിയോ പ്ലാറ്റ്ഫോം കൈകാര്യം ചെയ്തുള്ള പരിചയം ഉണ്ടായിരിക്കണം. പത്തനംതിട്ട ഓഫീസില് ആയിരിക്കും ജോലി ചെയ്യേണ്ടത്. ശമ്പളം തുടക്കത്തില് 15000 രൂപാ പ്രതിമാസം ലഭിക്കും. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.
