പന്തളം : പന്തളം വലിയ പാലത്തില് നിന്നും ഒരാള് ആറ്റിലേക്ക് വീണതിനെ തുടര്ന്ന് ഫയര് ഫോഴ്സ് തെരച്ചില് ആരംഭിച്ചു. രാവിലെ ഒന്പത് മണിയോടെയാണ് സംഭവം. പാലത്തിന് സമീപത്ത് നിന്നും ഇയാളുടെ വാഹനവും പാലത്തില് നിന്നും മൊബൈല് ഫോണും കണ്ടെത്തിയിട്ടുണ്ട്. ഒരാള് ആറ്റിലേക്ക് വീഴുന്നത് നാട്ടുകാരുടെ ശ്രദ്ധയില്പ്പെട്ടതിനെ തുടര്ന്ന് പത്തനംതിട്ട ഫയര് സ്റ്റേഷനില് വിവരം അറിയിക്കുകയും അടൂര്, പത്തനംതിട്ട ഫയര് സ്റ്റേഷനുകളില് നിന്നും ക്യൂബ സംഘം സ്ഥലത്തെത്തി തെരച്ചില് ആരംഭിക്കുകയുമായിരുന്നു. രണ്ട് മണിക്കൂറിലേറെ തെരച്ചില് നടത്തിയിട്ടും ആളെ കണ്ടെത്താന് കഴിഞ്ഞില്ല. കൊട്ടാരക്കര കലയപുരം സ്വദേശിയെയാണ് കാണാതായത് എന്നാണ് സംശയം. കൂടുതല് തെരച്ചിലിന് ശേഷം മാത്രമേ വിവരങ്ങള് ലഭ്യമാകൂ എന്ന് പത്തനംതിട്ട ഫയര്ഫോഴ്സ് വ്യക്തമാക്കി.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
