തിരുവനന്തപുരം: തെരഞ്ഞെടുപ്പിനു മുമ്പായി വലിയ ബോംബ് പൊട്ടുമെന്നു പറഞ്ഞവര്‍തന്നെ അത് എന്താണെന്നു വ്യക്തമാക്കണമെന്നു മുന്‍ മുഖ്യമന്ത്രി ഉമ്മന്‍ ചാണ്ടി. തെരഞ്ഞെടുപ്പിനു മുമ്പായി ബോംബ് പൊട്ടുമെന്ന മുഖ്യമന്ത്രി പിണറായി വിജയന്റെ പ്രസ്താവനയോടു പ്രതികരിക്കുകയായിരുന്നു ഉമ്മന്‍ ചാണ്ടി.
എന്റെ കൈയില്‍ ബോംബില്ല. ഞാന്‍ ബോംബ് ഉണ്ടാക്കിയിട്ടില്ല, ഉപയോഗിച്ചിട്ടുമില്ല. ബോംബ് എന്താണെന്ന് അറിയാമെങ്കില്‍ പറഞ്ഞയാള്‍ തന്നെ അതു വെളിപ്പെടുത്തണം. ബോംബിനേക്കുറിച്ചു പറയുകയും അതിന്റെ വിശദാംശങ്ങള്‍ പുറത്തു പറയാതിരിക്കുകയും ചെയ്യുന്നത് ശരിയല്ലെന്നും ഉമ്മന്‍ ചാണ്ടി അഭിപ്രായപ്പെട്ടു.
