കൊടുവള്ളി : എംഎല്എയും എല്ഡിഎഫ് സ്ഥാനാര്ത്ഥിയുമായ കാരാട്ട് റസാഖിന് പരുക്ക്. കൊടുവള്ളിയില് തെരഞ്ഞെടുപ്പ് പ്രചാരണത്തിനിടെ വാഹനത്തില് നിന്ന് വീണാണ് റസാഖിന് പരുക്കേറ്റത്. മുഖത്തും നെറ്റിക്കും പരുക്കേറ്റ അദ്ദേഹത്തെ താമരശ്ശേരി താലൂക്ക് ആശുപത്രിയില് പ്രവേശിപ്പിച്ചു.
പിക്കപ്പില് റോഡ് ഷോ നടത്തുന്നതിനിടെ സെല്ഫി എടുക്കാന് കുട്ടികള് വാഹനത്തില് കയറിയിരുന്നു. ഇത് അറിയാതെ ഡ്രൈവര് വാഹനം മുന്നോട്ടെടുത്തപ്പോഴായിരുന്നു അപകടം. കട്ടിപ്പാറ പഞ്ചായത്തിലെ കരിഞ്ചോലയില് വെച്ചായിരുന്നു അപകടം. പ്രവര്ത്തകര്ക്കൊപ്പം വാഹനത്തില് പ്രചാരണ ജാഥ നയിക്കുന്നതിനിടെയാണ് അപകടം സംഭവിച്ചത്. വിദഗ്ദ്ധ ചികിത്സക്കായി അദ്ദേഹത്തെ സ്വകാര്യ ആശുപത്രിയിലേക്ക് മാറ്റും. പരുക്ക് ഗുരുതരമല്ലെന്നാണ് സൂചന.
